29.06.2026 | 14:25
ՀՀ ֆինանսների նախարարն ու ԿԲ նախագահը միջազգային ներդրողներին ներկայացրել են Հայաստանի մակրոտնտեսական զարգացումները
Դուք ստում եք. ավագանու անդամները միմյանց են մեղադրում․ ՏԵՍԱՆՅՈՒԹ
Քաղաքականություն
28.12.2021 | 11:47
Երևանի ավագանու նիստում քննարկվում է քաղաքապետի առաջին տեղակալի ընտրության հարցը։ Այս պաշտոնում առաջադրվել է «Իմ քայլը» խմբակցության քարտուղար Լևոն Հովհաննիսյանի թեկնածությունը։
Ավագանու անդամ Իզաբելլա Աբգարյանը նշեց, որ 2.5 տարի առաջ, երբ դեռ խմբակցության և քաղաքապետի հարաբերությունները փայլում էին, Լևոն Հովհաննիսյանը հավակնում էր զբաղեցնել քաղաքապետի՝ ֆինանսական գծով տեղակալի պաշտոնը։ Քանի որ խմբակցությանը ղեկավարը, քարտուղարը դեմ էին նրա առաջադրմանը, վերջինս պատրաստվում էր բոյկոտել։
Իզաբելլա Աբգարյանը Լևոն Հովհաննսյանից հետաքրքրվեց՝ արդյոք այն ժամանակ չէ՞ր մտածում, որ այդ քայլերով խզում է քաղաքապետի կապը խմբակցության և կառավարության հետ։
Լևոն Հովհաննիսյանն արձագանքեց՝ Իզաբելլա Աբգարյանը ստում է. «Գիտեք, որ մենք անձնական վատ հարաբերությունների մեջ մինչև այս վերջերս չենք եղել, չնայած այս վերջերս տարբեր կարծիքներով փաթեթավորել եք ֆրակցիայից ձեր թռնելը։ Նախ պառակտում չի եղել։ Ես այն անձնավորությունը չեմ, որ ձեր նման պաշտոնի ակնկալիք ունենամ, հետո չստանամ ու սկսեմ հակառակ բաներ խոսել։ Ձեր կողմից այս տիպի խոսակցությունները կարող եմ ինձ կոմպլիմենտ ընդունել»,-նշեց Լևոն Հովհաննիսյանը։
Մանրամասները՝ տեսանյութում:
