13.05.2026 | 23:30
Ադրբեջանը հիշատակվում է Պենտագոնի կողմից հրապարակված չբացահայտված թռչող օբյեկտների ֆայլերում
Դեկտեմբերի 29-ից կսկսվի 25.000 և 50.000 դրամ սոցիալական աջակցության գումարների վճարումը
Հասարակություն
27.12.2021 | 19:05
ՀՀ կառավարությունը ս․թ․ դեկտեմբերի 23-ի նիստում հաստատել է 250.000 դրամ և 300.000 դրամ սոցիալական աջակցության ծրագրերով գումարների վճարման նոր ժամկետ՝ 2022 թվականի հունվարի 31։ Ըստ այդմ՝ 2021 թվականի դեկտեմբերի 28-ից վերսկսվելու է այն շահառուների աջակցության գումարների վճարումը, ովքեր ներառված էին վճարման ցուցակներում և ստացել են վճարման ցուցակում ներառված լինելու մասին հաղորդագրություն։ Այս մասին տեղեկացնում է Միասնական սոցիալական ծառայությունը։
Ս․թ․ դեկտեմբերի 29-ից սկսվելու է 25.000 և 50.000 դրամ սոցիալական աջակցության՝ դեկտեմբեր ամիսը ներառյալ, գումարների վճարումը։
Հիշեցնենք, որ Factor.am-ն ահազանգ էր ստացել քաղաքացիներից, որ պետությունն ուշացնում է ընտանեկան կամ սոցիալական նպաստների վճարումները։ «ՄՍԾ-ն նախ հայտնեց, որ վճարումը կլինի դեկտեմբերի 23-ից, հետո փոխեցին 27-ին՝ այսինքն այսօր, հիմա էլ ասում են, թե 28-ին կստանանք։ Պարզ չէ՝ 28-ին կլինի՞, թե՞ ոչ»,- նշում էր մեր խմբագրություն ահազանգած քաղաքացին։ Factor.am-ը խնդրի պարզաբանման համար դիմեց ՀՀ աշխատանքի և սոցիալական հարցերի նախարարություն։ Գերատեսչության խոսնակ Զառա Մանուչարյանը նշեց, որ համակարգային որևէ խնդիր չի եղել․ «Փոքր խումբ շահառուների չի փոխանցվել, բայց վաղը՝ առավոտվանից գործընթացը կամբողջացվի»,- ասաց աշխատանքի և սոցիալական հարցերի նախարարության խոսնակը։
