26.11.2024 | 23:20
Ադրբեջանում պահեստազորի սպաները բողոքի ակցիա են անցկացրել՝ պահանջելով իրենց հասանելիք վճարումները
Եվրհանձնաժողովն արդեն պատրաստել է ՌԴ դեմ պատժամիջոցների փաթեթը․ ԵՀ նախագահ
Քաղաքականություն
26.12.2021 | 15:56
Եվրոպական հանձնաժողովի նախագահ Ուրսուլա ֆոն դեր Լայենը հայտարարել է, որ իրենք արդեն պատրաստել են Ռուսաստանի դեմ պատժամիջոցների նոր փաթեթը, որը կլինի ՌԴ՝ Ուկրաինայի շուրջ հնարավոր էսկալացիայի պատասխանը, հաղորդում է ՌԻԱ Նովոստին։
Ֆրանսիական Journal du Dimanche շաբաթաթերթի հետ զրույցում ԵՀ նախագահն ասել է, որ Եվրամիությունը կարող է ստիպել հարգել իրեն՝ հաշվի առնելով, որ Մոսկվան ցանկանում է երկխոսություն ծավալել Վաշինգտոնի ու Բրյուսելի հետ։
«ՄԵնք ուզում ենք հստակ հասկացնել, որ Ուկրաինայի դեմ ցանկացած ագրեսիային կհետևեն մասշտաբային հետևանքներ ունեցող պատժամիջոցները։ Դրանք արդեն պատրաստ են։ Եվրոպական երկրները համախմբված են և գործում են ԱՄՆ-ի և ՆԱՏՕ-ի հետ կոորդինացված։ Մենք կողմ ենք Ռուսաստանի հետ լավ հարաբերություններին, բայց ամեն ինչ կախված է նրանց գործողություններից։ Ռուսաստանը պետք է դադարեցնի պրովոկացիաները»,-Ֆոն դեր Լայենի խոսքերն է մեջբերում հրատարակչությունը։
