17.01.2026 | 20:00
ՔՆՆԱՐԿՈՒՄ․ ՀՀ-ն ինչպե՞ս է կատարել ԵՄ-ի հետ CEPA համաձայնագիրը․ մշտադիտարկման արդյունքներ
Տարեվերջյան ամփոփում Արագածոտնի մարզպետարանում՝ Covid19-ի դեմ պատվաստում իրականացնող բուժհաստատությունների տնօրենների հետ
25.12.2021 | 10:31
Արագածոտնի մարզպետարանի ղեկավար կազմը տարեվերջյան խորհրդակցություն է անցկացրել մարզի Covid19-ի դեմ պատվաստում իրականացնող բուժհաստատությունների տնօրենների հետ. տեղեկացնում են Արագածոտնի մարզպետարանից:
Քննարկման ընթացքում առողջապահական ոլորտի ներկայացուցիչների հետ գնահատվել է մարզում Covid19-ով հիվանդացության իրավիճակը, պատվաստումների գործընթացը և ընդգրկվածությունը, վերհանվել են խնդիրները։
Արձանագրվել է, որ բոլոր բուժհաստատություններն ապահովված են պատվաստանյութերով, աշխատում են ամենօրյա ռեժիմով՝ ներառյալ շաբաթ-կիրակի օրերը, պատվաստումները կատարվում են նաև շրջիկ խմբերի միջոցով: Արագածոտնի մարզում պատվաստված է բնակչության 39,8 տոկոսը։
Մարզպետ Ռազմիկ Պետրոսյանը կրկին հորդորել է պատասխանատու լինել սեփական և շրջապատի առողջության համար, պատվաստվել և կոտրել վարակի շղթան ու բացառել հիվանդության հետևանքով առաջացող մահվան ելքերը։
