23.04.2026 | 17:09
Գործադիրն առաջարկում է 16 տարին լրացած անձանց համար նույնականացման քարտ ունենալը դարձնել պարտադիր
Պարտություն կրած գեներալներն ինչո՞ւ չեն հեռացվել. Փաշինյանի պատասխանը․ ՏԵՍԱՆՅՈւԹ
Հասարակություն
24.12.2021 | 21:56
Ես հրաժարվում եմ հրապարակային քննարկել զինված ուժերի հետ կապված որևէ հարց: Այս մասին, այսօր՝ դեկտեմբերի 24-ին, մամուլի ասուլիսի ժամանակ նշել է ՀՀ վարչապետ Նիկոլ Փաշինյանը՝ անդրադառնալով հարցին, թե սպառազինության ու զինտեխնիկայի ինչ գնումներ են արվել:
Հարցին, թե արդյոք քննարկվում է ինքնապաշտպանության համակարգի արմատական բարեփոխումների թեման, վարչապետը պատասխանեց. «Էլի բանակի հետ կապված նրբությունների, կոնկրետությունների հետ կապված հարցերը չեմ քննարկելու, և նաև բոլորին խորհուրդ եմ տալիս այդ հարցերը հրապարակային չքննարկել: Բայց զինված ուժերի հետ կապված մեր բոլոր մտածումները արտահայտված են ՀՀ կառավարության գործունեության ծրագրում: Այնտեղ ամեն ինչ շարադրված են և պրոցեսները տեղի են ունենալու դրա շրջանակում»:
Ինչ վերաբերում է նրան, թե ինչու չեն հեռացվել պարտություն կրած բարձրաստիճան սպաները, գեներալները և ինչու նրանց փոխարեն առաջ չեն քաշվել պատերազմում իրենց լավագույնս դրսևորածները, վարչապետը նշեց.«Ինչ վերաբերում է սպայական կազմին, շատ կարևոր հարց է: Բայց նաև շատ զգույշ պետք է լինել, որ թացը չորի հետ չխառնենք: Եղել են դեպքեր, երբ պատերազմի ընթացքում ինձ զեկուցվել է, որ այսինչ հրամանատարը դիրքը թողել, փախել է: Հետո երկարատև քննություն ենք արել և պարզվել է, որ ճշմարտությունն ուղիղ հակառակն է: Եղել է հակառակը դեպքը, երբ փառաբանվել է ինչ-որ հրամանատար, բայց հետագա քննության ընթացքում պարզվել է, որ այդքան էլ այդպես չի: Սխալ զեկուցողները պատժվել են, պատժվում են, կպատժվեն: Սա շատ կարևոր օրակարգային հարց է, բայց մանրամասները չեմ ուզում ներկայացնել»:
