08.06.2026 | 22:58
Հայտնի է նոր Ազգային ժողովի առաջին նիստի օրը
Հնարավո՞ր է՝ Փաշինյանն առաջիկայում Էրդողանի հետ հանդիպի. վարչապետի պարզաբանումը․ ՏԵՍԱՆՅՈւԹ
Քաղաքականություն
24.12.2021 | 20:58
ՀՀ վարչապետ Նիկոլ Փաշինյանն այսօր առցանց ասուլիսում պատասխանեց Ռուբեն Ռուբինյանին բանագնաց նշանակելու վերաբերյալ քննադատությունների վերաբերյալ հարցին։
«Աժ փոխնախագահ Ռուբեն Ռուբինյանի կրթությունը, անցած ճանապարհն ու փորձառությունը բավարար են Թուրքիայի հետ հարաբերությունների կարգավորման Հայաստանի բանագնացը լինելու համար»,- հայտարարեց Փաշինյանը:
«Շատ դժվար է մեր թիմի որևէ անդամի մասին ասել «փորձառություն չունեցող», որովհետև մենք վերջին 1 կամ 3 տարվա ընթացքում անցել ենք այնպիսի փորձությունների միջով, որ տասնամյակների փորձություն է»,- նշեց Փաշինյանը՝
Նա նաև հավելեց, որՌուբինյանն այդ գործընթացը միայնակ չի վարելու. ԱԳՆ-ում ձևավորվելու է դիվանագիտական թիմ, որն այդ գործընթացն իրականացնելու է։
«Այսինքն` Ռուբինյանը գլխավոր բանակցողն է լինելու այս թեմայով։ Բայց դա չի նշանակում, թե մեր նախորդ փորձությունից ու փորձառությունից այդ ամենը կտրված է լինելու»:
Հարցին՝ հնարավո՞ր է առաջիկայում հանդիպի Թուրքիայի նախագահ Ռեջեփ Թայիփ Էրդողանի հետ, Փաշինյանը պատասխանեց. «Այդպիսի գաղափար, պայամանվորվածություն չկա, բայց, եթե բանակցային գործընթացը Ռուբեն Ռուբինյանի ու թուրք գործընկերոջ միջև հաջող ընթանա ու պրոցեսը հասունանա մինչև այդ կետը, բնականաբար, դրան պետք է հաջորդի նաև բարձր մակարդակով հանդիպումներ։ Այսինքն՝ եթե պրոցեսը հաջող ընթանա, իհարկե, դա տեղի կունենա»:
Մանրամասները՝ տեսանյութում:
