01.11.2024 | 20:30
Ան«վեթինգ» դատավորները․ ԲԴԽ-ն չունի բարեվարքության ստուգում չանցած դատավորների ցուցակը. ՏԵՍԱՆՅՈՒԹ
Բուհերն իշխանությունների վերահսկողության տակ են. Սերոբ Խաչատրյան․ ՏԵՍԱՆՅՈՒԹ
Հասարակություն
24.12.2021 | 11:16
Մեզ մոտ քաղաքականությունն այնքան վարկաբեկված է, որ այն, ինչ կապվում է քաղաքականության հետ, համարվում է վատ բան, բայց արիստոտելյան մեկնաբանմամբ՝ քաղաքականություն բառը նշանակում է ունենալ այլընտրանքներ: Մեզանում միշտ բուհերը դարձել են քաղաքական օրակարգերի սպասարկող: Բուհերը շարունակում են մնալ իշխանությունների վերահսկողության տակ։ Այս մասին «Բուհերը՝ հակառակ իշխանությունների խոստումների, քաղաքականացվում են. ինչո՞ւ» թեմայով քննարկման ժամանակ նշեց կրթության փորձագետ Սերոբ Խաչատրյանը:
«Բուհերը ինքնավարություն չունեն և շարունակում են բավական խիստ կերպով վերահսկվել իշխանությունների կողմից. սա է մեր հիմնական խնդիրը:
Սկզբնական շրջանում այս իշխանությունն ավելի լիբերալ էր, նույնիսկ քաղհասարակության ներկայացուցիչներ ընտրվեցին բուհերի խորհրդի նախագահներ, բայց ընդհանուր առմամբ մոտեցումն այն էր, որ բուհերը պետք է վերահսկվեն:
Պատերազմից հետո որոշ բուհեր պահանջեցին իշխանության հրաժարականը, և սա ըստ էության փոխեց իշխանության օրակարգը, իշխանությունը հասկացավ, որ քանի որ իր դիրքերը թուլանում են, հետևաբար պետք է բուհարի հանդեպ որոշակի լոյալությունը խստացվի: Այս տարվա մարտին ընդունվեց Կրթության և գիտության մասին օրենքը, որտեղ արդեն կառավարությունն անսպասելի ձևով պահանջեց հոգաբարձուների խորհրդում մեծամասնություն, ինչը շոկային էր: ՍԴ-ում այս օրենքը ճանաչվեց հակասահմանադրական»,- նշեց Խաչատրյանը:
Մանրամասները՝ տեսանյութում:
