10.09.2026 | 21:29
Քաղաքական խորհրդակցություններ՝ ՀՀ-ի և Լեհաստանի արտաքին գերատեսչությունների միջև
Ոստիկանները թույլատրեցին «Ապրելու երկիր» կուսակցության թեկնածուին մտնել համայնքապետարանի շենք․ ՏԵՍԱՆՅՈՒԹ
Քաղաքականություն
23.12.2021 | 15:30
Ոստիկանները թույլատրեցին «Ապրելու երկիր» կուսակցության թեկնածուին մտնել Փարաքարի համայնքապետարանի շենք:
«Կարծեք թե ոստիկանությունը վերջապես որոշում է կայացրել ընտրված համայնքապետ Վոլոդյա Գրիգորյանին հնարավորություն տալ մտել համայնքապետարանի շենք և անցնել իր լիազորությունների կատարմանը»,- դիմելով բողոքի ակցիայի մասնակիցներին՝ նշեց Մանե Թանդիլյանը:
Փարաքարի բնակիչների ծափողջույնների ներքո Վոլոդյա Գրիգորյանը մուտք գործեց շենք։
Նշենք, որ Փարաքար համայնքում այսօր նախատեսված էր համայնքապետի երդմնակալության արարողությունը, սակայն ոստիկանությունը փակել էր համայնքապետարանի մուտքը: «Ապրելու երկիր» կուսակցությունը, որը համարում է, որ իր թեկնածու Վոլոդյա Գրիգորյանն ընտրվել է համայնքապետ, դրսում կազմակերպել էր երդմնակալության արարողությունը: Վոլոդյա Գրիգորյանին ու նրա աջակիցներին մի քանի ժամ թույլ չեն տվել մտնել համայնքապետարան։ Ի նշան բաղոքի՝ Փարաքար համայնքի բնակիչները փակել էին Զվարթնոց տանող ճանապարհը, և պահանջում էին թույ տալ մտնել համայնքապետարան։
Մանրամասները՝ տեսանյութում:
