11.12.2025 | 14:39
7-9 մետր բարձրությամբ արհեստական տոնածառի տեղադրում․ ինչ կարժենա Թալինի ամանորյա ձևավորումը
Գագիկ Ծառուկյանը՝ ծանրամարտի մարզիչներին․ «Ձեր ձեռքով ձեր հաջողությունները փչացրեցիք»
23.12.2021 | 13:57
Հայաստանի ազգային Օլիմպիական կոմիտեի նախագահ Գագիկ Ծառուկյանը հանդիպել է ծանրամարտի հավաքականների մարզիչների հետ․ գրում է armsport-ը։
«Միշտ ազգի պատիվը բարձր եք պահել, ապրեք։ Միշտ ամենաշատ մեդալները դուք եք բերել, ապրեք։ Բայց այս վերջին աշխարհի առաջնությունը, որ մենք պայմանավորվածություն ունեինք, որ դուք գնում էիք թիմային առաջին տեղը լինելու, մեդալ բերելու ու այսօր պիտի պատասխան տաք՝ ինչ կատարվեց։ Մենք սա չէինք սպասում։
Այսօր մենք ուզում ենք արդյունք ունենալ։ Եթե ասածը չես պահում, 15 հոգի չես տանի, կտանես 4 հոգի։
Սիմոն Մարտիրոսյանին ի՞նչ եղավ: Բոլորը վերջացնում էին իրենց ելույթները, նա նոր միայն մասնակցում էր։ Այսօր ի՞նչ է եղել։ Վերցնում է, չի կարողանում կանգնել։ Մարդիկ ուժեղ էին, դուրս էին գալիս մրցելու, նրանց հավասարը չկար։ Այսօր ի՞նչ եղավ։ Միայն ծանր քաշայիններն իրենց ֆիքսած թվերը տղավարի պահեցին, իջան։ Սխա՞լ եմ ասում։ Աշխարհի մակարդակով 6-րդ տեղն, այո, լավ է, բայց մենք պայմանավորվել էինք, որ թիմային հաշվարկում պիտի առաջին տեղը լինենք։
Մարզի՞չն է մեղավոր, մարզի՞կն է մեղավոր, հավաքվենք, ասենք, եթե չի ենթարկվում, չի պարապելու։ Սա մարզաշխարհի միակ ոլորտն է, որին 100%-ով հավատում եմ։ Մեր ազգի պատիվը միշտ բարձր եք պահել, բայց այսօր դուք ձեր ձեռքով ձեր հաջողությունները փչացրեցիք»,-Ծառուկյանի խոսքերն է փոխանցում «Կենտրոն» հեռուստաընկերությունը։
