Հասարակություն
23.12.2021 | 11:28«Առաջին ուղղությունը նախադպրոցական կրթության հասանելիության բարձրացումն է. կառավարության ծրագրով ունենք հստակ թիրախներ, որ հնգամյա ծրագրի ավարտին պետք է ապահովենք երեխաների առնվազն 85 տոկոսի ընդգրկվածություն նախադպրոցական ծառայություններում, ինչպես նաև բոլոր բնակավայրերում պետք է հասանելիություն ապահովենք: Այս տարի ունեցել ենք այս ուղղությամբ մի քանի ծրագրեր: Առաջին ծրագիրը մոդուլային մանկապարտեզների ծրագիրն է, որի շրջանակներում կառավարությունը հաստատել է 20 բնակավայրերի ցանկ, որտեղ կառուցվում են մոդուլային մանկապարտեզներ»,- այս մասին այսօր հրավիրված ասուլիսում նշեց ԿԳՄՍ նախարարի տեղակալ Ժաննա Անդրեասյանը՝ ամփոփելով 2021-ին կատարված աշխատանքների արդյունքները:
Փոխնախարարի խոսքով՝ երկրորդ ուղղությունը այլընտրանքային նախադպրոցական ծառայությունների ապահովումն է, այս ծրագիրն իրականացվում է այն բնակավայրերում, որտեղ երեխաների թիվը փոքր է և ծախսարդյունավետ չէ առանձին մանկապարտեզ ունենալ: Անդրեասյանի տեղեկացմամբ՝ այս ծրագիրն արդեն իրականացվել է 10 բնակավայրում՝ պետական բյուջեի միջոցներով, պետական դրամաշնորհի միջոցով:
Մանրամասները՝ տեսանյութում:
