Քաղաքականություն
22.12.2021 | 12:02Դեռևս քվեարկություն չի եղել, բայց Հայկ Մարությանի մասին արդեն «անցյալ կատարյալով» եք խոսում, ու բոլորը շնորհավորում են Հրաչյա Սարգսյանին։ Այս մասին այսօր՝ դեկտեմբերի 22-ին, Երևանի ավագանու արտահերթ նիստին, որի ընթացքում իշխող «Իմ քայլը» խմբակցությունն անվստահություն է հայտնում Երևանի քաղաքապետ Հայկ Մարությանին: Այս մասին Երևանի ավագանու արատահերթ նիստում հայտարարեց «Լույս» խմբակցության անդամ Թեհմինա Վարդանյանը։
«Ափալ-թափալ նիստ եք հրավիրել, հավաքվել եք այստեղ ու անվստահություն եք հայտնում ձեր սիրելի քաղաքապետին, ձեր «կարգին Հայկին», ի՞նչ է պատահել։ Որևէ հիմնավորում ինձ համար նոր չէր՝ բացի նրանից, որ նա ձեր կուսակցությունից դուրս է եկել»,-ասաց Վարդանյանը՝ դիմելով «Իմ քայլը»-ին։
«Ի՞նչ է պատահել, ժողովո՛ւրդ: Այստեղ երեք կետ կա. կա՛մ դուք չափազանց դանդաղ եք աշխատել այս երեք տարվա ընթացքում, այդ թվում ձեր քաղաքապետը, կա՛մ դուք բոլորդ տառապում եք «Դանինգ Կրյուգերի» սինդրոմով: Ով չգիտի, թող մտնի Վիքիպեդիա և կարդա, որովհետև դա շատերիդ փառահեղ բնութագրումն է: Եվ երրորդը՝ ձեր ջրերը մի առվով չեն հոսում»,-ասաց Վարդանյանը՝ ընդգծելով, որ չի ուզում որևէ կերպ մասնակից դառնալ «այս կրկեսին»։ «Դուք ոնց հրահանգ կատարող էիք, ինձ համար շարունակում եք այսօր էլ մնալ հրահանգ կատարող։ Ես մինչև այս իմացել եմ շատերի դրական կարծիքը Մարությանի մասին, չի կարող մեկ գիշերում բան փոխվել»,-ասաց Վարդանյանը՝ նշելով, թե որևէ մեկի համար գործընթացի հիմնավորումներ չկան։
Դիմելով Հայկ Մարությանին՝ Վարդանյանը հարցրեց․ «Դուք հիմա սև՞ եք, թե՞ սպիտակ»։
Նշենք, որ Երևանի ավագանին այսօր՝ դեկտեմբերի 22-ին արտահերթ նիստ է հրավիրել, որի օրակարգում միայն մեկ հարց է՝ «Երևանի քաղաքապետ Հայկ Մարությանին անվստահություն հայտնելու մասին» Երևան քաղաքի ավագանու որոշման նախագիծը: Նախագծով առաջարկվում է Երևանի քաղաքապետ ընտրել փոխքաղաքապետ Հրաչյա Սարգսյանին:
Մանրամասները՝ տեսանյութում:
