05.03.2026 | 23:35
Բահրեյնի իշխանությունները հաստատել են, որ իրանական հրթիռը հարվածել է նավթավերամշակման գործարանին
Թուրքական լիրան մեկ շաբաթում երրորդ պատմական արժեզրկումն է գրանցում՝ գերազանցելով մեկ դոլարի դիմաց 16 լիրայի շեմը
Քաղաքականություն
17.12.2021 | 14:09
Այսօր թուրքական լիրայի ճգնաժամն ավելի է արագացել․ այն նվազել է 3.5 տոկոսով՝ թարմացնելով բոլոր ժամանակների արժեզրկման ռեկորդը մեկ օր անց այն բանից հետո, երբ Կենտրոնական բանկը հիմնարար տոկոսադրույքը կրկին իջեցրեց նախագահ Ռեջեփ Թայիփ Էրդողանի տնտեսական ծրագրի շրջանակում։ Այս մասին գրում է «Duvar»-ը։
Թուրքական լիրան այսօր պատմական արժեզրկման ևս մեկ ռեկորդ է սահմանել՝ գերազանցելով մեկ դոլարի դիմաց 16 լիրայի շեմը։
Հիշեցենենք, որ նախօրեին թուրքական արժույթը գերազանցել էր 15 լիրայի շեմը, ևս մեկ ռեկորդ գրանցվել էր դեկտեմբերի 13-ին՝ գերազանցելով մեկ դոլարի դիմաց 14 լիրայի շեմը։ Ստացվում է, որ մեկ շաբաթվա ընթացքում արդեն երեք անգամ արժեզրկման ռեկորդ է գրանցում։
Լիրան կորցրել է իր արժեքի կեսից ավելին անցած տարվա ընթացքում և ամենօրյա արժեզրկման ռեկորդ սահմանել նոյեմբերի վերջին, երբ մեկ առևտրային շրջանում կորցրել էր արժեքի ավելի քան 15%-ը:
Էմմա Չոբանյան
