16.01.2025 | 12:43
Գլենդելը վերադառնում է բնականոն գործունեության. քաղաքապետը մանրամասներ է հայտնում
ԵՄ-ն որոշել է երկարաձգել Ռուսաստանի դեմ տնտեսական պատժամիջոցները
Քաղաքականություն
17.12.2021 | 15:02
Դեկտեմբերի 16-ին կայացած գագաթնաժողովի ընթացքում Եվրամիության պետությունների և կառավարությունների ղեկավարները որոշում են կայացրել երկարաձգել Ռուսաստանի Դաշնության դեմ տնտեսական պատժամիջոցները։ Այս մասին այսօր Twitter-ում գրել է Եվրոպական խորհրդի նախագահ Շառլ Միշելը։
Նրա փոխանցմամբ՝ որոշումն ընդունվել է միաձայն։
«Մենք կոչ ենք անում Ռուսաստանի՝ն կատարել գործարքի իր մասը և անցնել մինսկյան պայմանավորվածությունների իրականացմանը»,- ընդգծել է նա։
Հավելենք, որ պատժամիջոցները երկարաձգվել են վեց ամսով՝ մինչև 2022 թվականի հուլիսի 31-ը։ Պաշտոնապես դրանց վերաբերյալ որոշումը կհաստատվի 2022 թվականի հունվարի վերջին՝ գործող պատժամիջոցների ժամկետի ավարտից հետո։
Տաթև Ֆռանգյան
