17.01.2026 | 20:00
ՔՆՆԱՐԿՈՒՄ․ ՀՀ-ն ինչպե՞ս է կատարել ԵՄ-ի հետ CEPA համաձայնագիրը․ մշտադիտարկման արդյունքներ
Վստահ չեմ՝ ադրբեջանցիները Սև լճի տարածքից հետ կքաշվեն, բայց դեմարկացիայի վերջնարդյունքը դա պիտի լինի․ Արման Եղոյան․ ՏԵՍԱՆՅՈՒԹ
Քաղաքականություն
16.12.2021 | 15:51
1974թ. ռազմական քարտեզն է հիմք ընդունվել: Այս մասին ԱԺ-ում լրագրողների հետ զրույցում նշեց «Քաղաքացիական պայմանագիր» խմբակցության պատգամավոր Արման Եղոյանը՝ խոսելով Գորիս – Կապան ճանապարհի մասին: «Այդ նույն քարտեզով Սև լիճը մերն է»,- նշեց Եղոյանը:
Հարցին, թե դեմարկացիայի արդյունքում ադրբեջանցիները դո՞ւրս են գալու Սև լճի տարածքից, Եղոյանը պատասխանեց, որ դեմարկացիայի և դելիմիտացիայի ամբողջ իմաստն այն է, որ գիծը հստակեցվի և գծից մի կողմ մի պետություն լինի, գծից այն կողմ մեկ այլ պետություն:
Արդյոք վստա՞հ է, որ դելիմիտացիայից հետո ադրբեջանցիները հետ կքաշվեն Սև լճի տարածքից, այս հարցին ի պատասխան՝ Եղոյանը նշեց. «Ես վստահ չեմ, որ հիմա երկնաքար չի ընկնի երկրի վրա և երկիրը չի վերանա, ես չգիտեմ, թե վաղը, մյուս օրն ինչ կլինի, բայց տրամաբանությունն այն է, որ հետ պիտի քաշվեն: Դուք հարցնում եք՝ վստա՞հ եք, ո՛չ, վստահ չեմ, բայց գործընթացի վերջնական ավարտից հետո, այո՛, պիտի հետ քաշվեն, եթե հետ չքաշվեն, կնշանակի, որ դելիմիտացիան ու դեմարկացիան չստացվեց: Դա բանակցությունների հետևանք է լինելու»:
Եղոյանի խոսքով՝ այս պահին հայկական կողմը շարժվում է այն քարտեզով, որն առաջարկվել է ռուսական միջնորդությամբ, նոյեմբերի 12-ի դեպքերից հետո, այսինք՝ 1926թ. քարտեզով, որով ՀՀ տարածքը 31 քառակուսի կիլոմետր է:
Մանրամասները՝ տեսանյութում:
