11.02.2026 | 15:55
Դատարանը հիմք է ընդունել միայն մեղադրական ցուցմունքները. Դավիթ Համբարձումյանի պաշտպան․ ՏԵՍԱՆՅՈՒԹ
Թուրք պրոֆեսորը հայտարարել է, որ տնտեսական ճգնաժամի պատճառով երկրում կարող է արտակարգ դրություն հայտարարվել
Քաղաքականություն
14.12.2021 | 22:45
Թուրք պրոֆեսոր Իզզեթ Օզգենչը հայտարարել է, որ թուրքերը պետք է պատրաստ լինեն արտակարգ դրության, որը կարող է հայտարարվել տնտեսական ճգնաժամի պատճառով, գրում է Duvar-ը։
Թուրք պրոֆեսորի թվիթերյան գրառումը բանավեճի պատճառ է դարձել, և «OHAL» արտահայտությունը, որն արտակարգ դրության թուրքական հապավումն է, դարձել է Թվիթերի թրենդային թեմաներից մեկը։
«Թուրքական լիրայի շարունակական արժեզրկումը հանգեցրել է գործընթացի, որը բերելու է ծանր տնտեսական ճգնաժամի։ Մենք, որպես հասարակություն, պետք է պատրաստ լինենք արտակարգ դրության, որը կարող է հայտարարվել ծանր տնտեսական ճգնաժամի հետևանքով, որն անխուսափելի է թվում»,- գրել է նա՝ մեջբերելով Թուրքիայի Սահմանադրության 119-րդ հոդվածը, որի համաձայն՝ կառավարությունը կարող է վեց ամսով արտակարգ դրություն հայտարարել բնապահպանական աղետների, վարակիչ հիվանդությունների և տնտեսական ճգնաժամերի դեպքում։
Թուրքիայի ընդդիմադիր «Լավ» կուսակցության ղեկավար Մերալ Աքշեներն արձագանքել է այս գրառմանը՝ նշելով, որ արտակարգ դրության հայտարարումը կհանգեցնի Թուրքիայի սնանկացմանը։
Հավելենք, որ նախօրեին թուրքական լիրան արժեզրկման հերթական պատմական ռեկորդն է գրանցել՝ գերազանցելով մեկ դոլարի դիմաց 14 լիրայի ցուցանիշը։
Էմմա Չոբանյան
