03.08.2026 | 15:53
Հանրապետությունում առաջիկա օրերին սպասվում է առանց տեղումների եղանակ
Ինչ վիճակում է մարդու իրավունքների պաշտպանությունը Հայաստանում․ նախորդ տարվա համեմատ առաջընթաց է գրանցվել 2 միավորով
Հասարակություն
10.12.2021 | 20:02
Այսօր ողջ աշխարհում նշվում է մարդու իրավունքների պաշտպանության միջազգային օրը։ Freedom House իրավապաշտպան կազմակերպության տվյալներով՝ Հայաստանը 2021 թվականին համարվում է «Մասնակի ազատ» երկիր՝ մարդու իրավունքների պաշտպանության տեսանկյունից։
Ըստ 2021 թվականի տվյալների՝ Հայաստանում քաղաքական իրավունքի պաշտպանության ոլորտը 40 հնարավոր միավորից հավաքել է 22 միավոր։ 2020 թվականի համեմատ՝ Հայաստանն առաջընթաց է գրանցել 1 միավորով։
Քաաղաքացիական իրավունքների պաշտպանության հարցում Հայաստանը 60 միավորից հավաքել է 33 միավոր՝ նախորդ տարվա ցուցանիշից 1 միավորով ավելի։
Ընդհանուր առմամբ՝ 100 միավորից Հայաստանն ունի 55 միավոր՝ նախորդ տարվա 53-ի փոխարեն, և ընդգրկված է «մասնակի ազատ» երկրների շարքում։
2017-2018 թվականներին Հայաստանը 100 միավորից ունեցել է ընդամենը 45 միավոր, իսկ 2019-ին արդեն Հայաստանն իր դիրքերը բարելավել է միանգամից 6 միավորով, այնուհետև յուրաքանչյուր տարի հավաքել է 2 միավորով ավելի, քան նախորդ տարի։
Զեկույցում նշվում է, որ Հայաստանն անցումային փուլում է գտնվում 2018-ի զանգվածային հակակառավարական ցույցերից և ընտրություններից հետո, որոնք դուրս մղեցին արմատացած քաղաքական էլիտային:
Վերը նշված թվային միավորները և կարգավիճակը չեն արտացոլում Լեռնային Ղարաբաղում տիրող պայմանները, ինչը քննվում է առանձին զեկույցով:
Նշենք, որ տարածաշրջանում Հայաստանը այս ցուցանիշներով զիջում է միայն Վրաստանին՝ 5 միավորով։ Այսպես․ Վրաստանը 100 միավորից հավաքել է 60 միավոր, այն նույնպես համարվում է «մասնակի ազատ» երկիր։ Ադրբեջանը 100-ից ունի ընդամենը 10 միավոր և համարվում է «ոչ ազատ» երկիր։ «Ոչ ազատ» են համարվում նաև Թուրքիան և Իրանը՝ ունենալով համապատասխանաբար 32 և 16 միավոր՝ 100 միավորից։
Անժելա Պողոսյան
