11.12.2024 | 23:30
Թուրքիան Մեծ Բրիտանիայից շահագործումից հանված Super Hercules ռազմատրանսպորտային ինքնաթիռներ կգնի
Միխայիլ Սաակաշվիլիին տեղափոխում են դատարան՝ մասնակցելու դատական լսումներին
Քաղաքականություն
29.11.2021 | 11:11
Վրաստանի նախկին նախագահ Միխայիլ Սաակաշվիլիին Գորիի զինվորական հոսպիտալից տեղափոխում են Թբիլիսիի քաղաքային դատարան, որտեղ ժամը 11։00-ին կսկսվի գործերից մեկով լսումները, հայտնում է Pirveli հեռուստաընկերությունը։
2007 թվականին ընդդիմության ցույցը ցրելու և «Իմեդի» հեռուստաընկերության վրա հարձակման գործով լսումները, որում մեղադրվում է նախկին նախագահը, կայանալու է երկուշաբթի օրը՝ Թբիլիսիի քաղաքային դատարանում։ Սա կլինի քաղաքական գործչի առաջին հրապարակային ելույթը ձերբակալությունից հետո։
«Այժմ Սաակաշվիլիին տեղափոխում են քաղաքային դատարանի շենք, կարելի է հստակորեն ասել, որ այսօր Սաակաշվիլին խոսելու է ժողովրդի հետ»,- հայտնում է հեռուստաընկերությունը։
Վերանշյալ գործով առաջին լսումները տեղի են ունեցել նոյեմբերի 10-ին։ Այդ ժամանակ Սաակաշվիլիին թույլ չեն տվել գտնվել դատական լսումներին՝ անվտանգության նկատառումներից ելնելով։ Սույն գործով դատարանն արդեն չեղարկել է Սաակաշվիլիի խափանման միջոցը՝ կալանքի տեսքով, սակայն քաղաքական գործիչը շարունակում է մնալ կալանքի տակ, քանի որ մեղադրվում է այլ քրեական գործերով ևս։
Այժմ քաղաքական գործիչը գտնվում է Գորիի զինվորական հոսպիտալում, որտեղ բուժում է ստանում 50-օրյա հացադուլից հետո։
Տաթև Ֆռանգյան
