15.12.2025 | 21:26
Հայաստանի մի շարք հասցեներում էլեկտրաէներգիայի անջատումներ կլինեն
Հայտնի են կորոնավիրուսի «օմիկրոն» շտամի ախտանշանները
28.11.2021 | 19:53
Հարավաֆրիկյան Հանրապետության բժիշկ Անժելիկ Կուտզեեն բրիտանական The Telegraph պարբերականին է թվարկել կորոնավիրուսի «օմիկրոն» շտամի ախտանշանները։
Ինչպես տեղեկացնում է «ՌԻԱ Նովոստին», նա առաջինն էր, ով տեղեկացրել է հիվանդների մոտ վիրուսի նոր տարբերակի մասին։
Մասնագետի խոսքով՝ կասկածներն այն մասին, որ պաթոգենը կրկին մուտացիայի է ենթարկվել, առաջացել են COVID-19-ի արտասովոր դրսևորումներով հիվանդների հաճախացած այցերի պատճառով: Մասնավորապես, եղել են երիտասարդներ, որոնք բողոքել են հոգնածության ուժեղ զգացողումից:
Դրա հետ մեկտեղ հիվանդացողներից ոչ մեկի մոտ համի կամ հոտի կորուստ չի նկատվել։
«Այդ մադկանց ախտանշանները շատ տարբեր էին նրանցից, որոնց ես հանդիպել եմ նախկինում և դրսևորվել են թեթև ձևով»,- նշել է հանրապետության բժշկական ասոցիացիայի նախագահը:
Նոր շտամով մոտ երկու տասնյակ հիվանդները հիմնականում առողջ տղամարդիկ են եղել, որոնք ուժեղ հոգնածություն են զգացել։ Նրանց գրեթե կեսը պատվաստված չի եղել։
Հիշեցնենք, որ Առողջապահության համաշխարհային կազմակերպությունն ահազանգել է կորոնավիրուսային հիվանդության հարուցչի նոր ենթատեսակի` «Օմիկրոնի» մասին («B.1.1.529»)` սահմանելով այն որպես անհանգստություն առաջացնող:
Կորոնավիրուսային հիվանդության նոր շտամն ունի շուրջ 50 մուտացիա, որից 30-ը` սպայկային սպիտակուցում, առաջին անգամ արձանագրվել է Հարավային Աֆրիկայի Հանրապետությունում:
Առողջապահության համաշխարհային կազմակերպության տվյալներով՝ նոր շտամի դեպքում ներկայիս պատվաստանյութերը կարող են այդքան էլ արդյունավետ չլինել։
ԱՀԿ-ն նաև հայտնել է, որ այս շտամն ավելի արագ է տարածվում, քան իր նախորդները, ինչի մասին վկայում է Հարավային Աֆրիկայի փորձը:
Հետևաբար, նոր շտամը կարող է վարակել ավելի շատ մարդկանց, ներառյալ նրանց, ովքեր ապաքինվել են այլ շտամներից: Կազմակերպությունը կոչ է արել բոլոր երկրներին ավելի մեծ ուշադրություն դարձնել կորոնավիրուսի նոր շտամի ուսումնասիրությանը։
