10.08.2026 | 10:21
Գազանջատումներ՝ Լոռու և Արարատի մարզի մի շարք հասցեներում
Ռուսաստանում կորոնավիրուսի «Օմիկրոն» ենթատեսակով վարակման դեպքեր են գրանցվել
28.11.2021 | 17:24
Ռուսաստանում արդեն կորոնավիրուսով հիվանդներ կան, որոնք վարակված են նոր՝ «Օմիկրոն» ենթատեսակով։ Այս մասին հայտարարել է Դաշնային խորհրդի անդամ Վլադիմիր Կրուգլին, նրա խոսքերն է փոխանցում ՌԻԱ Նովոստին։
«Օմիկրոն» ենթատեսակն արդեն գոյություն ունի մեր երկրում։ Ամենայն հավանականությամբ, դրա տարածողները Եգիպտոսից վերադարձած մեր համաքաղաքացիներն են»,-ասել է նա։
Հիշեցնենք, որ ԱՀԿ-ն ավելի վաղ ահազանգել էր կորոնավիրուսային հիվանդության հարուցչի նոր ենթատեսակի` «Օմիկրոնի» մասին («B.1.1.529»)` սահմանելով այն որպես անհանգստություն առաջացնող:
Կորոնավիրուսային հիվանդության նոր շտամն ունի շուրջ 50 մուտացիա, որից 30-ը` սպայկային սպիտակուցում, առաջին անգամ արձանագրվել է Հարավային Աֆրիկայի Հանրապետությունում:
«Օմիկրոն» շտամով վարակվելու դեպքեր են արձանագրվել Բոթսվանայի Հանրապետությունում, Հոնկոնգում, Բելգիայում, Իսրայելում և այլուր։
