Արման Թաթոյանի դիմումի հիման վրա Արմեն Գրիգորյանի նկատմամբ վարույթ չի հարուցվի. ԿԿՀ-ն վարքագծի կանոնագիրք դեռևս չունի

Լուրեր

17.11.2026 | 11:19
Գերմանիայի ԱԳ նախարարը Հայաստան և Ադրբեջան է ժամանում
17.11.2026 | 11:11
Միրզոյանը ՆԱՏՕ-ի ներկայացուցչի հետ քննարկել է Հայաստան-ՆԱՏՕ համագործակցության ընդլայնումն ու Կոսովոյում ՀՀ խաղաղապահների առաքելությունը
17.11.2026 | 11:08
ԵՄ-ի բանակցային թիմն առաջին անգամ մասնակցել է ԱՄՆ-ի և Ուկրաինայի բանակցություններին
17.11.2026 | 11:00
Գևորգ Ղազարյանն ու Ռոբերտ Արզումանյանը՝ հայկական ֆուտբոլի խնդիրների մասին. ՏԵՍԱՆՅՈՒԹ
17.11.2026 | 10:48
Միրզոյանը Ռումինիայի ԱԳ նախարարի հետ քննարկել է հայկական արտադրանքի համար եվրոպական շուկաների հասանելիության ընդլայնումը
17.11.2026 | 10:36
Թափառող շների հարձակումների խնդիրը սրվել է, իսկ տուժածների վնասի փոխհատուցման հարցը չի լուծվում․ ՄԻՊ
17.11.2026 | 10:25
Ուկրաինան կրկին հարվածել է Ղրիմի կամրջին, փլուզվել է կամարներից մեկը. ՏԵՍԱՆՅՈՒԹ
17.11.2026 | 10:18
Ակցիա ՄԱԿ-ի շենքի դիմաց՝ արցախահայության վերադարձի իրավունքի վերաբերյալ. ՈՒՂԻՂ
17.11.2026 | 10:08
Երևանի ավագանու նիստը՝ ՈՒՂԻՂ
17.11.2026 | 10:06
Մեկնարկել է ATP-ի Ամփոփիչ մրցաշարը. ՏԵՍԱՆՅՈՒԹ
17.11.2026 | 10:00
ԱԺ քառօրյայի մեկնարկը՝ ՈՒՂԻՂ
17.11.2026 | 09:47
Արտարժույթների փոխարժեքները՝ նոյեմբերի 17-ի դրությամբ
17.11.2026 | 09:33
ՀՀ տարածքում ավտոճանապարհները հիմնականում անցանելի են
16.11.2026 | 23:32
Սևանի մակարդակը մեկ շաբաթում իջել է 1 սմ-ով․ տարեսկզբի համեմատ աճը 31 սմ է
16.11.2026 | 23:22
Լուսինե Բեկչյանն ազատվել է ԱԺ նախագահի օգնականի պաշտոնից
Բոլորը

Կոռուպցիայի կանխարգելման հանձնաժողովը որոշում է կայացրել Մարդու իրավունքների պաշտպան Արման Թաթոյանի դիմումի հիման վրա վարույթ չհարուցել Անվտանգության խորհրդի քարտուղար Արմեն Գրիգորյանի նկատմամբ:

Այս մասին Factor.am-ը տեղեկանում է հանձնաժողովի պաշտոնական կայքից։

Խոսքը 2021 թվականի հոկտեմբերի 21-ին «ՌուսԱրմԻնֆո» լրատվական կայքում հրապարակված տեսագրության մասին է, որտեղ Անվտանգության խորհրդի քարտուղար Արմեն Գրիգորյանը, անդրադառնալով Արման Թաթոյանին, հարցազրույցում նշել էր, թե նա քաղաքական հայտարարություններ է անում:

Արման Գրիգորյանի կարծիքով՝ «կրկին անգամ ընդդիմադիր դաշտում հայտ ներկայացրած Մարդու իրավունքների պաշտպանը փորձել է քաղաքական դիվիդենտներ շահել՝ քաղաքական տեքստեր արտահայտելով»։ Արման Թաթոյանի մասին խոսելիս, ԱԽ քարտուղարի խոսքի գրեթե բոլոր շեշտադրումները եղել են նրան քաղաքական դաշտում տեղավորելու, ընդդիմադիր ներկայացնելու մասին: Ավելին՝ Գրիգորյանը նշել է, որ Թաթոյանին մի քանի ամիս է մնացել ակնհայտ քաղաքական գործունեությամբ զբաղվելու համար՝ ակնարկելով, որ ՄԻՊ-ի պաշտոնավարման ժամկետը լրանում է:

Արման Թաթոյանը նոյեմբերի 1-ին դիմել էր Կոռուպցիայի կանխարգելման հանձնաժողով՝ նշելով, թե Արմեն Գրիգորյանը խախտել է «Հանրային ծառայության մասին» օրենքի պահանջը, ըստ որի՝ հանրային ծառայողները պարտավոր են պահպանել օրենքով սահմանված վարքագծի սկզբունքները և դրանցից բխող վարքագծի կանոնները:

Հանձնաժողով, սակայն, որոշում է կայացրել մերժել ՄԻՊ դիմումը, պատճառաբանելով, թե դեռևս ընդունված չէ վարքագծի կանոնագիրքը, ինչը թույլ կտար որոշել՝ պաշտոնյան խախտում կատարե՞լ է, թե՞ ոչ: Ըստ Կոռուպցիայի կանխարգելման հանձնաժողովի՝ հարցազրույցի հրապարակման օրվա՝ 2021թ. հոկտեմբերի 21-ի դրությամբ, իրենց կողմից դեռևս ընդունված չի եղել պետական պաշտոն զբաղեցնող անձանց վարքագծի կանոնագիրքը: Հետևաբար սահմանված չեն նաև պետական պաշտոն զբաղեցնող անձանց վարքագծի կանոնները:

«Պաշտոնատար անձանց վարքագծի առերևույթ խախտման վերաբերյալ հանձնաժողովը կարող է վարույթ հարուցել բացառապես այն դեպքերում, երբ առկա է վարքագծի կանոն: Այդ կանոնը պետք է սահմանի, թե պաշտոնատար անձի կոնկրետ որ արարքը կարող է որակվել որպես վարքագծի կանոնի խախտում: Այն բոլոր դեպքերում, երբ նման վարքագծի կանոնները բացակայում են, պաշտոնատար անձը փաստացի զրկվում է իր վարքագիծը կոնկրետ իրավական նորմի պահանջներին համապատասխանեցնելու և օրենքի պահանջներին չհետևելու դեպքում հնարավոր բացասական հետևանքների առաջացումը կանխատեսելու օբյեկտիվ հնարավորությունից»,- նշված է հանձնաժողովի որոշման մեջ:

Կոռուպցիայի կանխարգելման հանձնաժողովը նշել է նաև, որ գործուն քայլեր են ձեռնարկում վարքագծի կանոնագրքի ընդունման ուղղությամբ: Ներկայումս էլ Եվրոպայի Խորհրդի փորձագետների հետ համատեղ իրականացնում են վարքագծի կանոնների մշակման համար անհրաժեշտ աշխատանքներ:

Ռոզա Վարդանյան