Ըստ մեղադրանքի՝ Ախուրիկ համայնքի նախկին ղեկավար Վարդիթեր Գասպարյանը 3,497,000 ՀՀ դրամ գումար է հափշտակել. գործը դատարանում է

Լուրեր

17.11.2026 | 10:56
Գևորգ Ղազարյանն ու Ռոբերտ Արզումանյանը՝ հայկական ֆուտբոլի խնդիրների մասին. ՏԵՍԱՆՅՈՒԹ
17.11.2026 | 10:48
Միրզոյանը Ռումինիայի ԱԳ նախարարի հետ քննարկել է հայկական արտադրանքի համար եվրոպական շուկաների հասանելիության ընդլայնումը
17.11.2026 | 10:36
Թափառող շների հարձակումների խնդիրը սրվել է, իսկ տուժածների վնասի փոխհատուցման հարցը չի լուծվում․ ՄԻՊ
17.11.2026 | 10:25
Ուկրաինան կրկին հարվածել է Ղրիմի կամրջին, փլուզվել է կամարներից մեկը. ՏԵՍԱՆՅՈՒԹ
17.11.2026 | 10:18
Ակցիա ՄԱԿ-ի շենքի դիմաց՝ արցախահայության վերադարձի իրավունքի վերաբերյալ. ՈՒՂԻՂ
17.11.2026 | 10:08
Երևանի ավագանու նիստը՝ ՈՒՂԻՂ
17.11.2026 | 10:06
Մեկնարկել է ATP-ի Ամփոփիչ մրցաշարը. ՏԵՍԱՆՅՈՒԹ
17.11.2026 | 10:00
ԱԺ քառօրյայի մեկնարկը՝ ՈՒՂԻՂ
17.11.2026 | 09:47
Արտարժույթների փոխարժեքները՝ նոյեմբերի 17-ի դրությամբ
17.11.2026 | 09:33
ՀՀ տարածքում ավտոճանապարհները հիմնականում անցանելի են
16.11.2026 | 23:32
Սևանի մակարդակը մեկ շաբաթում իջել է 1 սմ-ով․ տարեսկզբի համեմատ աճը 31 սմ է
16.11.2026 | 23:22
Լուսինե Բեկչյանն ազատվել է ԱԺ նախագահի օգնականի պաշտոնից
16.11.2026 | 23:01
Նոր Ջեյմս Բոնդը կլինի Ռոբերտ Պատինսոնը
16.11.2026 | 22:44
Երևանի Ֆուչիկի փողոցն առաջարկվում է անվանափոխել կոմպոզիտոր Վլադիլեն Բալյանի անունով
16.11.2026 | 22:26
Ձմեռային անվադողերի պարտադիր պահանջը խախտել է 400 վարորդ, որից 63-ը՝ Երևանում
Բոլորը

Պաշտոնեական կեղծիք կատարելու և առանձնապես խոշոր չափերի յուրացման համար մեղադրվող Շիրակի մարզի Ախուրիկ համայնքի նախկին ղեկավար Վարդիթեր Գասպարյանի գործը դատարանում է։ Ինչպես Factor.am-ը տեղեկացավ «Դատալեքս» դատական տեղեկատվական համակարգից, քրեական գործը մակագրվել է Շիրակի մարզի ընդհանուր իրավասության դատարանի Աշոցքի և Ամասիայի նստավայրի դատավոր Ջոն Հայրապետյանին։

Ըստ առաջադրված մեղադրանքի՝ Վարդիթեր Գասպարյանը, 2009 թվականից հունիս ամսից մինչև 2017 թվականի հունիսի 31-ն ընկած ժամանակահատվածում, հանդիսանալով պաշտոնատար անձ, հանցավոր դիտավորությամբ իրեն վստահված՝ Շիրակի մարզի Ախուրիկ համայնքի բյուջեից յուրացման եղանակով հափշտակել է առանձնապես խոշոր չափերի՝ ընդհանուր 3,497,000 ՀՀ դրամ գումար։

Մասնավորապես, Գասպարյանը շահադիտական նպատակով, համայնքապետարանի հավաքարար Անահիտ Մովսիսյանին աշխատավարձ տրամադրելու նպատակով, յուրաքանչյուր ամիս համայքապետարանի բյուջեից ելքագրել է 77․000 ՀՀ դրամ գումար, սակայն ամսական առձեռն վճարել է 30․000 ՀՀ դրամ գումար, իսկ 47․000 ՀՀ դրամ գումարը չի հանձնել վերջինին և այդ կերպ կատարել իրեն վստահված միջոցների ընդհանուր 1․739․000 ՀՀ դրամ գումարի յուրացման եղանակով հափշտակություն։

Այնուհետև, շահադիտական նպատակով, 2016 թվականի սեպտեմբերի 01-ից համայնքապետարանի համակարգչային օպերատոր Ասպրամ Մելքոնյանին հորդորել է աշխատանքի չհաճախել և վերջինի կողմից աշխատանքային պայմանագրով նախատեսված պարտավորությունները չկատարելու պայմաններում, աշխատաժամանակի հաշվարկի և աշխատավարձի վճարման տեղեկագրերում մտցնելով ակնհայտ կեղծ տեղեկություններ՝ Ասպրամ Մելքոնյանի կողմից հիշատակված ժամանակահատվածում կանոնավոր աշխատանքի ներկայանալու և փաստացի աշխատած ժամանակահատվածի վերաբերյալ, հաստատել է այդ բովանդակությամբ կեղծ փաստաթղթերը և հանձնել իրավասու մարմիններին, ինչի հետևանքով Ասպրամ Մելքոնյանի անվամբ հաշվարկվել ու որպես աշխատավարձ վճարվել է խոշոր չափերով՝ ընդհանուրը՝ 693․000 ՀՀ դրամ գումար և այդ կերպ Վարդիթեր Գասպարյանը ստանալով նշված գումարը կատարել է պաշտոնեական կեղծիք և իրեն վստահված միջոցների յուրացման եղանակով հափշտակություն։

Շարունակելով իր գործունեությունը, Վարդիթեր Գասպարյանը համայնքապետարանի մասնագետ Շահանդուխտ Սարգսյանի անվամբ 2011, 2012, 2013, 2014, 2015 և 2016 թվականների դեկտեմբեր ամիսներին ու 2017 թվականի հունիսի 12-ին, որպես պարգևավճարներ, հատկացված ընդհանուր՝ 590․000 ՀՀ դրամ գումարը նույն օրը անձամբ հետ է ստացել Շահանդուխտ Սարգսյանից և այդ կերպ, պաշտոնեական դիրքն օգտագործելով, մեկ միասնական դիտավորությամբ կատարել հափշտակություն։

Բացի այդ, իր պաշտոնավարման ընթացքում, համայնքապետարանի հավաքարար Անահիտ Մովսիսյանի անվամբ 2014, 2015, 2016 թվականների դեկտեմբեր ամիսներին և 2017 թվականի հունիսի 12-ին, որպես պարգևավճարներ, համայնքի բյուջեից, առանց վերջինիս գիտության, ելքագրել է ընդհանուրը՝ 310․000 ՀՀ դրամ գումար, որը չի հատկացրել Անահիտ Մովսիսյանին և այդ կերպ, պաշտոնեական դիրքն օգտագործելով, մեկ միասնական դիտավորությամբ կատարել է ընդհանուրը՝ 310․000 ՀՀ դրամ գումարի յուրացման եղանակով հափշտակություն։

Վերոգրյալից բացի, իր պաշտոնավարման ընթացքում՝ 2016 թվականից մինչև 2017 թվականի հունիսի 31-ն ընկած ժամանակահատվածում, դարձյալ աշխատելով Շիրակի մարզի Ախուրիկ համայնքի ղեկավարի պաշտոնում, հանդիսանալով պաշտոնատար անձ, շահադիտական նպատակով, համայքապետարանի համակարչային օպերատոր Ասպրամ Մելքոնյանի անվամբ 2016 թվականի դեկտեմբեր ամսին և 2017 թվականի հունիսի 12-ին, որպես պարգևավճարներ, համայնքի բյուջեից, առանց վերջինիս գիտության, ելքագրել է ընդհանուրը՝ 165․ 000 ՀՀ դրամ գումար, որը չի հատկացրել Ասպրամ Մելքոնյանին և այդ կերպ, պաշտոնեական դիրքն օգտագործելով, մեկ միասնական դիտավորությամբ կատարել է ընդհանուրը՝ 165․ 000 ՀՀ դրամ գումարի յուրացման եղանակով հափշտակություն։

Վերոգրյալից բացի, 2016 թվականից մինչև 2017 թվականի հունիսի 31-ն ընկած ժամանակահատվածում, դարձյալ աշխատելով Շիրակի մարզի Ախուրիկ համայնքի ղեկավարի պաշտոնում, հանդիսանալով պաշտոնատար անձ, շահադիտական նպատակով, համայքապետարանի համակարգչային օպերատոր Ասպրամ Մելքոնյանի անվամբ 2016 թվականի դեկտեմբեր ամսին և 2017 թվականի հունիսի 12-ին, որպես պարգևավճարներ, համայնքի բյուջեից, առանց վերջինիս գիտության, ելքագրել է ընդհանուրը՝ 165․ 000 ՀՀ դրամ գումար, որը չի հատկացրել Ասպրամ Մելքոնյանին և այդ կերպ, պաշտոնեական դիրքն օգտագործելով, մեկ միասնական դիտավորությամբ կատարել է ընդհանուրը՝ 165․ 000 ՀՀ դրամ գումարի յուրացման եղանակով հափշտակություն։

Այսպիսով՝ Վարդիթեր Արտուշի Գասպարյանը մեղադրվում է ՀՀ քրեական օրենսգրքի 179-րդ հոդվածի 3-րդ մասի 1-ին կետով և 314-րդ հոդվածի 1-ին մասով նախատեսված հանրության համար վտանգավոր արարքները մեղավորությամբ կատարելու համար: Մեղադրյալի նկատմամբ խափանման միջոց է ընտրվել ստորագրություն չհեռանալու մասին։

Ռոզա Վարդանյան