18.01.2026 | 11:31
Վթարային ջրանջատում Վայոց Ձորի մարզում
Պուտինի հատուկ ներկայացուցիչը հայտնել է Արցախի գրավյալ հայկական Շուշի այցելելու մտադրության մասին
Քաղաքականություն
24.11.2021 | 21:39
ՌԴ նախագահ Վլադիմիր Պուտինի միջազգային մշակութային համագործակցության հարցերով հատուկ ներկայացուցիչ Միխայիլ Շվիդկոյը մտադիր է 2022 թվականի գարնանը կամ ամռանը այցելել Արցախի գրավյալ հայկական Շուշի քաղաք։ «Սպուտնիկ»-ի ադրբեջանական ծառայության հետ զրույցում Շվիդկոյը նշել է, որ իր համար այդ այցը լինելու է շատ կարևոր իրադարձություն։
«Առաջին անգամ ես եղել եմ Շուշիում 2009 թվականին Փոլադ Բյուլբյուլօղլիի հետ՝ երեք դեսպանների առաքելության շրջանակում։ Այն ժամանակ մենք ձգտում էինք Ադրբեջանի ու Հայաստանի քաղաքացիական հասարակության միջև երկխոսության ինչ-որ ուղիներ գտնել»,- ասել է Շվիդկոյը։
Նշենք, որ Շվիդկոյը ժամանել է Բաքու՝ մասնակցելու «Նիզամի Գյանջևի՝ կամուրջ մշակույթների միջև» թեմայով միջազգային ֆորումին, որը մեկնարկել է այսօր և շարունակվելու է մինչև նոյեմբերի 26-ը։
Հավելենք, որ Միխայիլ Շվիդկոյը ՌԴ-ում ադրբեջանական լոբբինգի հայտնի ներկայացուցիչներից է։
Ի դեպ, վերջերս հայկական Շուշի էր այցելել ռուսական քաղաքագետների, պատգամավորների, փորձագետների մի պատվիրակություն և ադրբեջանական կողմի հետ կոնֆերանս անցկացրել։
Էմմա Չոբանյան
