24.04.2026 | 23:32
Կապանում ջրանջատում կլինի
Apple-ը ՀՀ երկու քաղաքացիների գաղտնալսման մասին զգուշացնող նամակ է ուղարկել
Քաղաքականություն
24.11.2021 | 15:25
Apple-ը դատական հայց է ներկայացրել NSO Group-ի և նրա մայր կազմակերպության դեմ՝ մեղադրելով նրանց Apple-ի մի շարք օգտատերերի ապօրինի լրտեսության մեջ: Գործի նյութերը նոր տեղեկություններ են տալիս այն մասին, թե ինչպես է NSO Group-ը սարքերը վարակել Pegasus լրտեսող ծրագրերով: Այս մասին ասված է ընկերության պաշտոնական կայքէջում։
Տեղեկատվական անվտանգության մասնագետ Ռուբեն Մուրադյանը հայտնել է, որ ՀՀ առնվազն երկու քաղաքացի Apple-ից զգուշացնող նամակ է ստացել գաղտնալսումների վերաբերյալ։
«Apple-ը սկսել է զգուշացնող նամակներ ուղարկել Pegasus ծրագրից տուժածներին։ Հայաստնաում առնվազն 2 մարդ այսօր երեկոյան ստացել է նամակը»,- Facebook-ում գրել է Մուրադյանը:
Հիշեցնենք՝ Pegasus-ն իսրայելական NSO Group-ի կողմից մշակված ծրագիր է: Ընդհանուր առմամբ, ցուցակը, որը հետաքրքրել է NSO-ի հաճախորդներին, պարունակել է շուրջ 50 հազար հեռախոսահամար։ Հեռախոսահամարների թվում կան մի շարք երկրների, այդ թվում՝ եվրոպական բարձրաստիճան պաշտոնյաների հեռախոսահամարներ։
Տաթև Ֆռանգյան
