06.03.2026 | 10:24
Թրամփը հայտարարել է, որ ցանկանում է ամբողջությամբ հեռացնել Իրանի ղեկավարությանը և «լավ առաջնորդի» դերի համար թեկնածուներ ունի
Գերմանիայում հասարակական տրանսպորտից ոչ բոլորին թույլ կտան օգտվել
Քաղաքականություն
24.11.2021 | 12:41
Գերմանիայում ուժի մեջ են մտնում SARS-CoV-2 կորոնավիրուսի տարածման դեմ պայքարի նոր միջոցները։ Մասնավորապես, խստացվել են հասարակական տրանսպորտից օգտվելու կանոնները. այսօրվանից բոլոր ուղևորների համար ներդրվել է «3G կանոնը»՝ Genesen, Geimpft, Getestet («հիվանդացել եմ», «պատվաստվել», «բացասական թեստ»), գրում է DW-ի ռուսական ծառայությունը:
Եթե ավտոբուսում կամ տրամվայում ստուգումների ժամանակ ուղևորը չկարողանա ներկայացնել այս պայմաններից մեկի ապացույցը, ապա ստիպված կլինի իջնել տրանսպորտային միջոցից մոտակա կանգառում։
Deutsche Bahn երկաթուղային կոնցեռնի ղեկավարությունը «3G կանոնի» տեղային փորձարկումներ է իրականացրել արդեն նոյեմբերի 23-ից։ Քննադատները կասկածում են, որ այս նորարարությունը կհաջողվի արդյունավետ իրականացրել ու վերահսկել։ Բացի այդ, «3G կանոնը» կկիրառվի նաև գրասենյակներում։
Ռոբերտ Կոխի անվան ինստիտուտի տվյալներով՝ Գերմանիայում SARS-CoV-2-ով վարակման նոր դեպքերն անցած շաբաթվա ընթացքում առաջին անգամ գերազանցել են 100 հազար բնակչի հաշվարկով 400 դեպքը՝ այսպիսով թարմացնելով հակառեկորդը 17-րդ օրն անընդմեջ։
Տաթև Ֆռանգյան
