19.11.2024 | 18:52
Այլ ելույթներ՝ գաղջից, կսկիծից ու ցասումից չկա՞ն․ Ավինյանը կատակեց․ ՏԵՍԱՆՅՈՒԹ
Թուրքիայի խորհրդարանը մերժել է հայկական, հունական ու հրեական համայնքների դպրոցների ֆինանսական աջակցությունն ավելացնելու առաջարկը
Քաղաքականություն
23.11.2021 | 22:02
Թուրքիայի խորհրդարանը մերժել է երկրի փոքրամասնություններին՝ հայկական, հունական ու հրեական համայնքներին պատկանող դպրոցների ռեսուրսներն ավելացնելու առաջարկը, գրում է «Ահվալ» գործակալությունը։
Առաջարկը քրդամետ Ժողովուրդների դեմոկրատական կուսակցության հայզագի պատգամավոր Գարո Փայլանը ներկայացրել է 2022 թվականի բյուջեի ու պլանավորման հանձնաժողովին, որը, սակայն, մերժվել է իշխող դաշինքի՝ Արդարություն և զարգացում ու Ազգայնական շարժում կուսակցությունների կողմից։
Փայլանն օրինագիծը ներկայացրել էր նոյեմբերի 2-ին՝ կոչ անելով ավելացնել ռեսուրսները 40 մլն լիրայով (3․5 մլն դոլար) Թուրքիայի Կրթության նախարարության պետական բյուջեում ընդհանուր 22 դպրոցի համար, որտեղ սովորում է մոտ 4000 աշակերտ։
Թուրքիայում հայկական, հունական ու հրեական փոքրամասնությունների դպրոցները ֆինանսական դժվարություններ ունեն, որոնք տարիների ընթացքում ավելի են սրվում՝ աշակերտների թվի նվազման պատճառով։
Նշվում է, որ անցյալ դարասկզբին Թուրքիայում մոտ 1900 հայկական դպրոց կար՝ 173․022 աշակերտով։
Էմմա Չոբանյան
