10.09.2026 | 21:29
Քաղաքական խորհրդակցություններ՝ ՀՀ-ի և Լեհաստանի արտաքին գերատեսչությունների միջև
ՀՀ-ի կողմից Արցախի անկախության ճանաչումն ի՞նչ կտա. Նիկոլ Փաշինյան․ ՏԵՍԱՆՅՈւԹ
23.11.2021 | 21:53
«Պետք է հասկանանք, թե Արցախի ճանաչումն ինչ կտա մեզ»,- այսօր կայացած մամուլի ասուլիսի ժամանակ նշեց ՀՀ վարչապետ Նիկոլ Փաշինյանը` պատասխանելով հարցին, թե ՀՀ օրակարգում կա՞ Արցախի ճանաչման հարցը։
«Մեզ նախ պետք է, որ ԵԱՀԿ Մինսկի խմբի շրջանակներում բանակցային գործընթացն օր առաջ վերականգնվի։ 30 տարի է` անընդհատ քննարկվել է Ղարաբաղի ճանաչման հարցը և որոշում չի կայացվել, քանի որ հասկացել են, որ Հայաստանը չպետք է լինի առնվազն առաջինն ու միակը նման որոշում կայացնելու հարցում, սակայն սա չի նշանակում, որ պետք է վերջինը լինի»,- նշեց Փաշինյանը։
Վարչապետի խոսքով` Արցախի հարցում մի կարևոր հանգամանք հաշվի չի առնվում, որ, այնուամենայնիվ, ԼՂ հարցը միջազգային հարց է, և միայն Հայաստանի դիրքորոշումներով հնարավոր չէ լուծել։
«Խնդիրը պետք է հաղորդակցության մեջ լինի միջազգային նորմերի, դիրքորոշումների և ընկալումների հետ, հակառակ դեպքում ՀՀ-ն վաղուց լուծել էր այդ հարցը։ Բայց այդպես չէ: Հենց սա էլ մեր մեծագույն պրոբլեմն է, ու եղել է միշտ»,- նշեց վարչապետը:
Մանրամասները՝ տեսանյութում:
