14.09.2026 | 10:58
Բեռլինում նշվել է Հայաստանի անկախության 35-ամյակը․ ընդգծվել է ՀՀ–Գերմանիա ռազմավարական գործընկերության խորացումը
Չեմ կարծում՝ կդիտարկենք ՀԱՊԿ-ից դուրս գալը. Փաշինյան․ ՏԵՍԱՆՅՈւԹ
Քաղաքականություն
23.11.2021 | 21:35
Չեմ կարծում, թե Հայաստանը կդիտարկի ՀԱՊԿ-ից դուրս գալու հանգամանքը։ Առցանց ձևաչափով ասուլիսի ժամանակ այս մասին ասաց վարչապետ Նիկոլ Փաշինյանը՝ արձագանքելով սահմանային լարվածության ժամանակ ՀՀ ռազմավարական դաշնակից ՌԴ-ի և ՀԱՊԿ-ի կողմից համարժեք արձագանքի բացակայության մասին հարցին։
«Ուզում եմ ընդգծել, որ ՀԱՊԿ-ը ոչ միայն բազմակողմ, այլև Ռուսաստանի հետ մեր ռազմավարական համաձայնությունների շատ կարևոր խողովակ և հարթակ է։ Եվ նաև մենք, որպես նախագահող երկիր, պիտի աշխատենք, որ ՀԱՊԿ-ը պատշաճ մասնակցություն ունենա մեր տարածաշրջանում անվտանգության ապահովմանը»,- հավելեց նա։
Ըստ Փաշինյանի՝ միաժամանակ, պետք է մի քանի կարևոր փաստ արձանագրենք․ «Օրինակ՝ ՀԱՊԿ երկրներից մի քանիսը վերջերս Թուրքիայի և Ադրբեջանի հետ թյուրքական աշխարհի հռչակագիր ստորագրեցին։ Սա իրողություն է, որը չի կարող համատեքստի վրա չազդել։ Հաջորդ իրողությունը հետևյալն է, որ ՌԴ-ն Հայաստանի ռազմավարական գործընկերն է, և այդ գործընկերությունն անգնահատելի է»։
Մանրամասները՝ տեսանյութում։
