Քաղաքականություն
23.11.2021 | 21:32Միլիմետրերով գիտենք՝ Սովետական Հայաստանի սահմաններն ինչպես են անցնում: Այսօր կայացած մամուլի ասուլիսի ժամանակ հայտարարեց վարչապետ Նիկոլ Փաշինյանը:
«Ըստ իս՝ թյուրիմացություն կա սահմանազատման և սահմանագծման բանակցությունների վերաբերյալ: Ինչքանով որ հասկանում եմ հարցերից, տպավորություն կա, որ թուղթ է ստորագրվելու սահմանազատման և սահմանագծման արդյունքների մասին, այդպիսի բան հնարավոր չէ: Ստորագրվելիք պոտենցիալ փաստաթուղթը լինելու է հետևյալի մասին՝ Հայաստանը և Ադրբեջանը ձևավորում են հանձնաժողով, որը սկսելու է սահմանազատման և սահմանագծման աշխատանքներ իրականացնել: Այդ թղթի մեջ գրված չի լինելու, թե սահմանը որտեղով է անցնելու: Դա տեղի է ունենալու այդ հանձնաժողովի աշխատանքի հիման վրա», – հայտարարեց Նիկոլ Փաշինյանը։
Վարչապետն ընդգծեց, որ միլիմետրի ճշգրտությամբ գիտեն՝ որտեղով են անցնում Սովետական Հայաստանի սահմանները, իսկ գոյություն ունեցող և քննարկվող քարտեզները պետք է իրավական հիմքեր ունենան։
Մանրամասները՝ տեսանյութում:
