29.06.2026 | 15:56
Դնեպրին ռուսական հարվածի հետևանքով 5 մարդ զոհվել է, 21-ը՝ վիրավորվել
Մենք առաջ ենք քաշել զորքերի հետքաշման գաղափարը. Փաշինյան․ ՏԵՍԱՆՅՈւԹ
Քաղաքականություն
23.11.2021 | 21:14
Երբ մենք ասում ենք, որ առաջարկն ընդունելի է Հայաստանի համար, դա չի նշանակում, որ առաջարկը հարյուր տոկոսով համապատասխանում է Հայաստանի պատկերացումներին։ Առցանց ձևաչափով ասուլիսի ժամանակ այս մասին ասաց վարչապետ Նիկոլ Փաշինյանը՝ պատասխանելով դեմարկացիայի և դելիմիտացիայի վերաբերյալ Ռուսաստանից ստացված առաջարկների մասին հարցին։
«Մենք դրանով ուզում ենք ի ցույց դնել, բայց ոչ թե ձևական, այլ իրականում ի ցույց դնել, որ մենք ուզում ենք գնալ լուծումների։ Մենք նախկինում հանդես ենք եկել առաջարկություններով՝ զորքերի հայելային հետքաշում, ՌԴ-ն դրանից հետո հանդես էր եկել առաջարկներով, որը լիարժեք մեր առաջարկների տրամաբանությանը չէր համապատասխանում, բայց ՌԴ-ն փորձ էր արել և փորձ է անում Ադրբեջանի և մեր դիրքորոշումներից ինչ-որ մի միջին բան դուրս բերել»,- ասաց նա։
Փաշինյանի խոսքով՝ եթե հարյուր տոկոսով մեր պատկերացումներին համապատասխան լինի, Ադրբեջանը դրա հետ չի համաձայնելու։
«Մենք պետք է գանք ինչ-որ մի միջին տարբերակի, որ «փազլի» սկզբունքով պատկերացումներից ձևավորվի»,- հավելեց նա։
Մանրամասները՝ տեսանյութում։
