06.03.2026 | 00:13
Արարատ Միրզոյանը Ջեյհուն Բայրամովի հետ հեռախոսազրույց է ունեցել
Խոշորացված բոլոր համայնքների կենտրոններում արդեն ունենք կառավարման էլեկտրոնային համակարգեր․ Մանուկյան․ ՏԵՍԱՆՅՈՒԹ
Քաղաքականություն
23.11.2021 | 13:18
ԵՄ-Հայաստան համապարփակ և ընդլայնված գործընկերության Համաձայնագրի կատարման ընթացքի գնահատման և վերլուծության ընթացքում Տարածքային կառավարման և ենթակառուցվածքների նախարարության համայնքային տեղեկատվական հոսքերի կառավարման բաժնի պետ Գարեգին Մանուկյանը նշեց, որ համաձայնագրում կան բազմաթիվ կետեր, որոնք առնչվում են ՏԿԵ նախարարության հետ:
«Տարբեր ոլորտների ծրագրեր այս կամ այն կերպ առնչվում են համայնքների հետ: Բայց համաձայնագրի հոդվածներից միայն մեկն է, որ անմիջական առնչություն ունի համայնքների հետ, դա 71-րդ հոդվածն է, որը վերաբերում է կենտրոնական և տեղական մակարդակում վարչական կարողությունների ընդլայնմանը, որը պետք է ծառայի քաղաքակրթությունների մշակման, գնահատման և իրականացման գործընթացներին: Սա ենթադրում է, որ քայլեր կձեռնարկվեն, որոնց շնորհիվ ՏԻՄ-երի վարչական կարողությունները կընդլայնվեն և արդյունավետ աշխատանքներ կիրականացվեն»,-նշեց Մանուկյանը:
Նա նաև ընդգծեց, որ խոշորացված բոլոր համայնքների կենտրոններում արդեն առկա են կառավարման էլեկտրոնային համակարգեր:
Մանրամասները՝ տեսանյութում:
