19.05.2026 | 23:56
Հայաստանի մի շարք հասցեներում էլեկտրաէներգիայի անջատումներ կլինեն
Թուրքիան ֆրանսիական Airbus-ից ստացել է Türksat 5B արբանյակը
Քաղաքականություն
22.11.2021 | 20:08
Թուրքական արբանյակային և կաբելային հեռուստատեսության օպերատոր Türksat AŞ-ը ստացել է Türksat 5B արբանյակը Ֆրանսիայում Airbus Defense and Space (Airbus D&S) ընկերությունում տեղի ունեցած արարողության ժամանակ, գրում է «Անադոլու» գործակալությունը։
Տիեզերական սարքի արտադրությունն ու փորձարկումները հաջողությամբ ավարտվել են։ Ներկայում ընկերությունը պատրաստվում է արբանյակի տեղափոխմանն ամերիկյան SpaceX ընկերություն։
Turksat 5B արբանյակը նախատեսվում է տիեզերք արձակել դեկտեմբերին՝ ԱՄՆ Ֆլորիդայի Քեյփ Կանավերալ տիեզերական ուժերի կայանի բազայից։ Թուրքական արբանյակն ուղեծիր է հասցվելու Space X Falcon 9 հրթիռով։ Այս արբանյակը դառնալու է ամենահզորը Turksat-ի արբանյակային պարկում։
Բացի Թուրքիայից՝ արբանյակի ծածկույթը ներառելու է ամբողջ Մերձավոր Արևելքը, Պարսից ծոցը, Սև ծովը, Միջերկրական ծովը, Հյուսիսային ու Արևելյան Աֆրիկան, Նիգերիան, Հարավային Աֆրիկան։
Էմմա Չոբանյան
