24.04.2026 | 23:32
Կապանում ջրանջատում կլինի
Իսրայելում ԱՄՆ դեսպանատունն իր աշխատակիցներին կոչ է արել՝ խուսափել Երուսաղեմի Հին քաղաք այցելելուց
Քաղաքականություն
22.11.2021 | 18:38
Իսրայելում ԱՄՆ դեսպանատունը կոչ է արել իր աշխատակիցներին և նրանց ընտանիքներին՝ խուսափել արևելյան Երուսաղեմի Հին քաղաք այցելելուց, հայտնում է Անադոլու գործակալությունը։
Դիվանագիտական առաքելության հաղորդագրության մեջ նշվում է, որ անվտանգության նկատառումներից ելնելով՝ ԱՄՆ քաղաքացիներին խորհուրդ է տրվում լինել զգոն և համապատասխան միջոցներ ձեռնարկել՝ անվտանգության իրազեկվածության բարձրացման համար։
«Երուսաղեմի Հին քաղաքի տարածքում անվտանգության վերջին միջադեպերի պատճառով ԱՄՆ դիվանագիտական առաքելություններին և նրանց ընտանիքներին խորհուրդ է տրվել հեռու մնալ Հին քաղաքից՝ մինչև հետագա ծանուցումը»,- ասված է հայտարարության մեջ:
ԱՄՆ քաղաքացիներին կոչ է արվել «խուսափել ցույցերից և մարդաշատ վայրերից, հետևել տեղական լրատվամիջոցներին և տեղի իշխանությունների ցուցումներին»։
Իսրայելի ոստիկանությունը նոյեմբերի 21-ին հաղորդել է արևելյան Երուսաղեմի Հին քաղաքի տարածքում զինված միջադեպի մասին։ Միջադեպի հետևանքով զոհվել է մեկ հրեա վերաբնակիչ, ևս երեքը՝ վիրավորվել, այդ թվում՝ երկու ոստիկան:
Տաթև Ֆռանգյան
