18.01.2026 | 16:33
Մենք վստահ քայլերով շարժվում ենք միջազգային մեծ մրցաշարեր հյուրընկալելու ուղղությամբ․ ՀՖՖ նախագահի ուղերձը
Մի խումբ ռուս փորձագետներ այցելել են Ակնա
Քաղաքականություն
22.11.2021 | 18:18
Ռուս-ադրբեջանական փորձագիտական խորհրդի ռուսական պատվիրակությունն այցելել է Արցախի գրավյալ Ակնա քաղաք (Աղդամ), գրում են ադրբեջանական լրատվամիջոցները։
Նշվում է, որ նրանք շրջել են տեղանքում, ծանոթացել շինարարական աշխատանքների ընթացքին։ Ռուս փորձագետներին պատմել են քաղաքում իրականացվող ծրագրերի մասին։
Հավելենք, որ ռուսական պատվիրակության կազմում Ակնա այցելած փորձագետներից են լրագրող, «Կոմերսանտ» պարբերականի սյունակագիր Սերգեյ Ստրոկանը, «Զվեզդա» հեռուստաալիքի ռազմական վերլուծաբան, «Правда.Ру»-ի փորձագետ Ալեքսանդր Արտամովն ու այլք, որոնք ադրբեջանական լրատվամիջոցների հետ զրույցում հակահայկական հայտարարություններով են հանդես եկել։
Հավելենք, որ ավելի վաղ Արցախի գրավյալ Շուշի քաղաք էր այցելել ռուս քաղաքագետների, պատգամավորների մեկ այլ պատվիրակություն։
Էմմա Չոբանյան
