29.06.2026 | 21:20
Մարդատարներին կարգելե՞ն Երևան մտնել․ Ավինյանն առաջարկում է քաղաքի մուտքերի մոտ կայանատեղիներ սարքել. ՏԵՍԱՆՅՈւԹ
Ադրբեջանի և Իրանի նախագահները կարող են առաջիկայում հանդիպել Աշխաբադում. խոսնակ
Քաղաքականություն
22.11.2021 | 15:30
Իրանի ԱԳՆ մամուլի խոսնակ Սայիդ Խաթիբզադեն այսօր կայացած ճեպազրույցում հայտարարել է, որ Ադրբեջանի փոխվարչապետ Շահին Մուսթաֆաևի այցն Իրան ծրագրվել էր՝ նոր մակարդակի բարձրացնելու Թեհրանի ու Բաքվի հարաբերությունները, գրում է «Mehr» գործակալությունը։
Խաթիբզադեն ադրբեջանցի պաշտոնյայի այցն անվանել է նշանալի և կառուցողական։
Բացի այդ, Խաթիբզադեն հայտարարել է, որ առաջիկայում կարող են հանդիպել երկու երկրների նախագահները։
«Շուտով երկու երկրների տարբեր պաշտոնյաների հանդիպումներ են լինելու՝ ներառյալ Իրանի նախագահ Էբրահիմ Ռաիսիի և Ադրբեջանի նախագահ Իլհամ Ալիևի հանդիպումը»,- ասել է Իրանի ԱԳՆ ներկայացուցիչը՝ հավելելով, որ այն, հնարավոր է, տեղի ունենա հաջորդ շաբաթ Աշխաբադում կայանալիք Տնտեսական համագործակցության կազմակերպության գագաթնաժողովի ընթացքում։
Նշենք, որ գագաթնաժողովը նախանշված է նոյեմբերի 28-ին։
Էմմա Չոբանյան
