22.08.2026 | 21:13
Դիլիջան-Վանաձոր ճանապարհին ավտոմեքենան դուրս է եկել երթևեկելի հատվածից և բախվել հողաթմբին
Ամեն օր անհնազանդության ակցիաներ ենք իրականացնելու. Կարին Տոնոյան. ՏԵՍԱՆՅՈՒԹ
Քաղաքականություն
22.11.2021 | 14:48
«Հերթական անգամ փորձում են փափուկ բարձը դնել ժողովրդի գլխի տակ, հիմարացնել ժողովրդին ու իրենց ուզածով անել։ Այսօր կառավարության շենքի մոտ անցկացվող բողոքի ակցիայի ժամանակ, մեկնաբանելով Փաշինյանի օնլայն ասուլիսի մասին հայտարարությունը, նշեց «5165» շարժման առաջնորդ Կարին Տոնոյանը։
«Էլ տեղ չունենք, ժողովուրդ ջան, էլ տեղ չունենք, մեր զինվորները զոհվում են, թշնամին անարգել մտնում, մեր տարածքները վերցնում է, արդեն բացեիբաց պարզ է, որ մեզ խաբելով, հիմարացնելով, հետո էլ կասեն, թե` բա եկան, վերցրեցին, ժողովուրդ ջան»,- ասաց Տոնոյանը` հիշեցնելով, որ Ալիևն արդեն հայտարարել է` խաղաղությամբ չտան, պատերազմով կվերցնեն։
Տոնոյանը հայտարարեց, որ իրենք իշխանության խաղերին չեն մասնակցելու ու հանուն հայրենիքի պայքարը շարունակելու են։ «Բոլորս բանակի, զինվորի կողքին ենք: Եթե պիտի մեռնենք, պատվով մեռնենք»,- նշեց Տոնոյանը։
Նա նաև հայտարարեց, որ անհնազանդության ակցիաներ են իրականացնելու. պայքարը շարունակելու են ամենօրյա պարբերականությամբ:
Մանրամասները՝ տեսանյութում:
