04.07.2026 | 21:07
5 քաղաքական ուժեր հայտարարել են միասնական քաղաքական օրակարգ ձևավորելու մասին
Բուլղարիայի գործող նախագահը հաղթում է ընտրություններում
Քաղաքականություն
22.11.2021 | 14:56
Բուլղարիայի գործող նախագահ Ռումեն Ռադևը հաղթում է նախագահական ընտրություններում։ ԿԸՀ-ի նախնական տվյալներով՝ նոյեմբերի 21-ին կայացած քվեարկության երկրորդ փուլում Ռադևը ստացել է ձայների մոտ 68 տոկոսը։ Եվրամիության ամենաաղքատ երկրում կոռուպցիայի դեմ պայքարը շարունակում է մնալ նրա քաղաքականության կենտրոնում, գրում է DW-ի ռուսական ծառայությունը։
Բուլղարացիները քվեարկել են հանուն փոփոխությունների, կոռուպցիայի, ապօրինությունների դեմ պայքարի, մաֆիային երկրից քշելու օգտին, հայտարարել է Ռադևը նոյեմբերի 21-ի երեկոյան։ Նրա խոսքով՝ Բուլղարիան դուրս է գալիս փակուղուց։
Ռադևի հակառակորդ Անաստաս Գերջիկովը, որին աջակցում էր նախկին վարչապետ Բոյկո Բորիսովի պահպանողական GERB (Քաղաքացիները հանուն Բուլղարիայի եվրոպական զարգացման) կուսակցությունը, հավաքել է ձայների 32 տոկոսը և ընդունել պարտությունը։ Միաժամանակ, նա հայտարարել է, որ Ռադևին աջակցել է «ողջ պետական ապարատը»։
Դիտորդների կարծիքով՝ Ռադևի վերընտրությունը կարող է նշանավորել Բուլղարիայում կայունության փուլի սկիզբը, հատկապես՝ նոյեմբերի 14-ին կայացած խորհրդարանական ընտրություններում «Մենք շարունակում ենք փոխել» նորաստեղծ հակակոռուպցիոն կոալիցիայի անսպասելի հաղթանակից հետո։
Տաթև Ֆռանգյան
