18.01.2026 | 16:33
Մենք վստահ քայլերով շարժվում ենք միջազգային մեծ մրցաշարեր հյուրընկալելու ուղղությամբ․ ՀՖՖ նախագահի ուղերձը
Միխայիլ Սաակաշվիլիի կուսակցության գրասենյակի վրա քարեր են նետել
Քաղաքականություն
22.11.2021 | 13:15
Անհայտ անձինք քարեր են նետել Վրաստանի նախկին նախագահ Միխայիլ Սաակաշվիլիի«Միասնական ազգային շարժում» կուսակցության Բաթումիի գրասենյակի վրա, փոխանցում է «Pirveli» հեռուստաալիքը։
«Անհայտ անձինք քարեր են նետել գրասենյակի վրա, ապակիներն են կոտրել։ Դեպքի վայրում ոստիկաններ կան»,- հայտնել է հեռուստաընկերությունը։
Նշվում է, որ Վրաստանի ՆԳՆ-ն հետաքննություն է իրականացնում միջադեպի կապակցությամբ։
Ավելի վաղ՝ նոյեմբերի 21-ին, Վրաստանի նախկին նախագահ Միխայիլ Սահակաշվիլիի անձնական բժիշկ Նիկոլոզ Կիփշիձեն առաջարկել էր, որ քաղաքական գործչի բուժման մեջ ներգրավվեն հոգեբան և հոգեբույժ։ Նրա կարծիքով՝ հնարավոր է, որ նախկին նախագահի վիճակը գնահատելու համար պահանջվի օտարերկրյա մասնագետների ներգրավում։ Մինչ այդ՝էլ՝ նոյեմբերի 20-ին բժիշկը հայտնել էր, որ Սաակաշվիլին դադարեցրել է հոկտեմբերի 4-ից հայտարարված հացադուլը։
Սաակաշվիլիին շաբաթ տեղափոխել են զինվորական հոսպիտալ՝ շտապօգնության, քրեակատարողական ծառայության մեքենաների և ոստիկանների ուղեկցությամբ։ Նախկին նախագահի հետ են եղել նաև փաստաբաններն ու նրա անձնական բժիշկը։
Տաթև Ֆռանգյան
