07.11.2024 | 15:23
Գլխավոր դատախազը Հաագայում հանդիպել է ՄԱԿ-ի արհեստական բանականության կենտրոնի ղեկավարին
Եվրոպայում տասնյակ հազարավոր քաղաքացիներ դուրս են եկել փողոց՝ բողոքելով սահմանափակումների դեմ․ բախումների հետևանքով վիրավորներ կան
Քաղաքականություն
22.11.2021 | 12:36
Անցած հանգստյան օրերին ամբողջ Եվրոպայում կորոնավիրուսային սահմանափակումների դեմ բողոքի ցույցեր են տեղի ունեցել, գրում է BBC-ի ռուսական ծառայությունը։
Կիրակի շուրջ 30 հազար մարդ դուրս է եկել Բրյուսելի փողոցներ, օրվա ընթացքում ակցիաները վերածվել են ցուցարարների ու ոստիկանների միջև բախումների։ Ամբոխին ցրելու համար իրավապահները կիրառել են ջրցաններ ու արցունքաբեր գազ, երկու կողմերից տուժածների մասին է հաղորդվել։
Ավելի վաղ բախումներ են գրանցվել Հաագայում ու Ռոտերդամում․ այստեղ բողոքի ցույցերը սկսվել են դեռևս ուրբաթ։ Նիդերլանդների իշխանությունները կատարվածը որակել են որպես մոլեգնող բռնություն և հետաքննություն են սկսել կրակոցներից մի քանի ցուցարարների հրազենային վիրավորում ստանալու դեպքերի կապակցությամբ։
Վիեննայում տասնյակ հազարավոր տեղացիներ դուրս են եկել փողոցներ՝ բողոքելու կառավարության՝ փետրվարից կորոնավիրուսային պատվաստումները պարտադիր դարձնելու, ինչպես նաև երկուշաբթի գիշերը մեկնարկած նոր համազգային արգելափակման դեմ:
Ավստրիայում գրեթե բոլոր խանութները՝ բացի մթերայիններից, փակվել են երեք շաբաթով։ Առանց հիմնավոր պատճառի անհնար է տնից դուրս գալ, իսկ ծնողներին խորհուրդ են տվել երեխաներին թողնել տանը՝ չնայած այն բանին, որ մանկապարտեզները շարունակում են աշխատել։
Սպասվում է, որ սահմանափակումները կտևեն երեք շաբաթ՝ մինչև դեկտեմբերի կեսերը: Դրանից հետո իշխանությունները կարող են սահմանափակումները պահպանել նրանց համար, ովքեր չեն պատվաստվել կորոնավիրուսի դեմ։
Տաթև Ֆռանգյան
