26.04.2024 | 12:50
ԱՄՆ-ը, Մեծ Բրիտանիան և Կանադան ընդլայնել են Իրանի դեմ պատժամիջոցները
Ադրբեջանում մի խումբ զինծառայողներ հեռացվել են բանակից ռազմական գործողությունների տեսանյութերը տարածելու համար
Քաղաքականություն
20.11.2021 | 19:50
Ադրբեջանում մի խումբ զինծառայողներ հեռացվել են բանակից: Այս մասին հայտնել է Ադրբեջանի պաշտպանության նախարարությունը։
Ինչպես փոխանցում է գերատեսչությունը, զինվորականների հեռացման պատճառն այն է, որ հայ-ադրբեջանական սահմանին տեղի ունեցած ռազմական գործողություններից վերջիններս ոչ պաշտոնական լուսանկարներ և տեսանյութեր են հրապարակել:
«Ադրբեջանական բանակի հրամանատարության կողմից իրականացված միջոցառումների արդյունքում բացահայտվել են մի խումբ զինծառայողներ, որոնք կոպտորեն խախտել են գաղտնիության ռեժիմը ՝ տարածելով նման նյութեր: Որոշում է կայացվել այդ զինծառայողներին բանակից հեռացնելու մասին, իսկ հավաքված նյութերն ուղարկվել են իրավապահ մարմիններին ՝ նրանց կատարած արարքներին իրավական գնահատական տալու համար»,- ասված է Ադրբեջանի ՊՆ-ի տարածած հաղորդագրության մեջ:
