24.06.2026 | 14:40
Մարգարիա Սիմոնյանն «առաջարկել է» Փաշինյանի օգտին քվեարկած հայերին բացահայտել սոցցանցերով և արգելել նրանց մուտքը ՌԴ
ԵՊՀ-ն նոյեմբերի 15-ից անցնում է առկա ուսուցման, իսկ ՀՊՏՀ-ն երկարաձգում է հեռավար ուսուցման ժամկետները
Հասարակություն
12.11.2021 | 12:11
Երևանի պետական համալսարանը նոյեմբերի 15-ից կվերսկսի առկա ուսուցումը․ Factor.am-ին հայտնեց ԵՊՀ խոսնակ Ազնիվ Գրիգորյանը։
Խոսնակը նաև նշեց, որ եթե կուրսում լինի կորոնավիորւսով վարակվածության դեպք, ապա կարող են անցնել հեռավար տարբերակի․ այս դեպքում որոշումը կայացվում է ֆակուլտետներում։
«Ըստ անհրաժեշտության՝ որոշ դասընթացներ կարող են կազմակերպվել հեռավար»,- ասաց ԵՊՀ խոսնակը։
Ի տարբերություն ԵՊՀ-ի՝ Հայաստանի պետական տնտեսագիտական համալսարանում հեռավար ոսուցման ժամկետները երկարաձգվել են։
«Հեռավար ուսուցման ժամկետը երկարաձգվում է մինչև նոյեմբերի 30-ը: Բացառություն են միայն հեռակա բակալավրիատի առաջին, երկրորդ և հեռակա մագիստրատուրայի առաջին կուրսերը, որոնց դասապրոցեսը կկազմակերպվի բուհում, նոյեմբերի 15-ից»,- հայտնել են ՀՊՏՀ-ից։
Հիշեցնենք, որ հակահամաճարակային իրավիճակից ելնելով՝ բուհերը հոկտեմբերի 26-ից անցել էին հեռավար ուսուցման։
Արփի Հակոբյան
