25.08.2026 | 12:45
«Ալֆա» ջոկատն ուղղարկում եք երեք անչափահաս երեխաներով տուն, բոլորդ էլ գիտեք՝ ոչ մեկ չի փախնում․ ՏԵՍԱՆՅՈՒԹ
Հայաստանն աշխարհում 20-րդն է 1 մլն բնակչի հաշվով քովիդից մահերի թվով
08.11.2021 | 14:16
Հայաստանը 1 մլն բնակչի հաշվով Covid-19-ից մահերի թվով աշխարհում 20-րդ տեղում է. այս մասին տեղեկանում ենք worldometers.info կայքում հրապարակված ցուցանիշներից։
Ըստ ներկայացված տվյալների՝ Հայաստանում 1 մլն բնակչի հաշվով 2255 մարդ է մահացել Covid-19-ի տարածումից ի վեր։
Նույն ցուցանիշներով առաջին եռյակում են Պերուն (1 մլն բնակչի հաշվով 5967 մահ), Բուլղարիան (3646 մահ) և Բոսնիա Հերցեգովինան (3602 մահ)։
Տարածաշրջանում 1 մլն բնակչության հաշվով մահերի թվով Հայաստանից առաջ է անցել Վրաստանը, որը զբաղեցնում է 12-րդ տեղը (2641 մահ)։ Ադրբեջանը 97-րդ տեղում է (708 մահ), Թուրքիան 87-րդ տեղում է (843 մահ), Իրանը 52-րդ տեղում է (1490 մահ):
Հիշեցնենք, որ Հայաստանում վերջին օրվա ընթացքում Քովիդ-19-ի 6220 թեստավորում է իրականացվել, որից հաստատվել է 810-ը։ 30 մահվան դեպք է գրանցվել։ Այսպիսով, հաստատվել է կորոնավիրուսային հիվանդության ընդհանուր 321 243 դեպք, որոնցից 282 866 առողջացած: Փաստացի բուժում է ստանում 30 340 պացիենտ: Ընդհանուր առմամբ, կորոնավիրուսի հետևանքով 6700 մահվան դեպք է արձանագրվել: Այլ հիվանդության պատճառով մահվան դեպքերի ընդհանուր թիվը 1337 է:
Ընդհանուր կատարվել է 2 183 118 թեստավորում։
Անժելա Պողոսյան
