23.08.2026 | 11:39
Քաղաքացին մոտ 6 մետր բարձրությունից ընկել է գետափնյա հատված․ ՆԳՆ
Ամերիկացի գիտնականները պատմել են COVID-19-ի նոր հետևանքների մասին
Քաղաքականություն
29.10.2021 | 23:16
COVID-19-ը կարող է խնդիրներ առաջացնել ներքին ականջի աշխատանքի հետ կապված՝ հանգեցնելով լսողության խնդիրների։ Այս մասին հայտնել են Մասաչուսեթսից մի խումբ գիտնականներ, որոնց հետազոտությունը հրապարակվել է Communication Medicine ամսագրում։
Հետազոտության ընթացքում, որը հիմնված է եղել մարդու ներքին ականջի հյուսվածքների ուսումնասիրության վրա, մասնագետները պարզել են, որ կորոնավիրուսն ազդում է, այսպես կոչված, մազային բջիջների վրա։ Դրանք իրենց հերթին պատասխանատու են ոչ միայն լսողության, այլև շարժումների համակարգման համար։
Տեղեկացվում է, որ փորձարկմանը մասնակցել է 10 հիվանդ, որոնց օրգանիզմում եղել է կորոնավիրուսային վարակը։ Նրանցից 9-ը գանգատվել է ականջներում աղմուկից, իսկ 6-ը՝ գլխապտույտից։ Նրանք բոլորն էլ ունեցել են լսողության թեթև կամ ծանր կորուստ:
Տաթև Ֆռանգյան
