29.04.2026 | 16:33
«Չերյոմուխա»-ի կիրառման դրվագը դատարան է ուղարկվելու. դատախազը` «Մարտի 1»-ի գործի մասին․ ՏԵՍԱՆՅՈՒԹ
Կառավարությունը գյուղատնտեսության ոլորտում ապահովագրական համակարգ կներդնի՞
Հասարակություն
14.06.2017 | 20:04
Արմավիրի մարզում հունիսի 12-ին տեղացած կարկուտը մեծ վնասներ պատճառեց մարզի 8 համայնքների՝ կրկին վեր հանելով գյուղատնտեսության ոլորտում առկա բացերը: Չնայած տարիներ շարունակ Կառավարությունը միլիոնավոր դոլարներ է ծախսում հակակարտային կայանների ձեռքբերման և տեղադրման համար, սակայն թե´ մասնագետները, թե՛ գյուղացիները դժգոհում են դրանց արդյունավետությունից:
Վերջերս հակակարկտային կայանների ոչ արդյունավետ լինելուն անդրադարձել է նաև վարչապետ Կարեն Կարապետյանը՝ Արտակարգ իրավիճակների նախարար Դավիթ Տոնոյանին հանձնարարելով կանոնակարգել ոլորտը:
Ընթացիկ տարում նախատեսվում է հակակարկտային ոլորտում հրթիռային պաշտպանության նոր եղանակի ներդրման աշխատանքներ իրականացնել: Ի դեպ, Գյուղատնտեսության նախարարության 2010-2020 թվականների ռազմավարական ծրագրում խոսվում է ապահովագրական համակարգի ներդման մասին: Գյուղատնտեսությունում ապահովագրական համակարգի ներդրման փորձնական ծրագրերի իրականացումը ներառված է նաև իշխող Հանրապետական կուսակցության նախընտրական ծրագրում:
Մանրամասները՝ տեսանյութում:
Շողիկ Գալստյան
