06.12.2025 | 22:41
Պետք է շարունակենք մեր ծառայությունը բերել մեր ժողովրդին. Գարեգին Բ-ն` Փաշինյանի քայլերի մասին. ՏԵՍԱՆՅՈՒԹ
Մեկ օրում՝ 57 մահ․ քովիդից մահվան ցուցանիշով աշխարհում 3-րդն ենք․ նոր խստացումներ, հեռավար դասեր․ ՏԵՍԱՆՅՈՒԹ
26.10.2021 | 20:47
Հայաստանում կորոնավիրուսից միայն մեկ օրում 57 մարդ է մահացել։ Այս ցուցանիշն ամենաբարձրն է վարակի տարածման ամենասկզբից՝ 2020 թվականի մարտից ի վեր։ Ավելին, Հայաստանը կորոնավիրուսից մահացության ցուցանիշով ամբողջ աշխարհում երրորդ տեղում է։
1 մլն բնակչի հաշվով Հայաստանում մեկ օրում մահացել է 19 մարդ, Վրաստանում՝ 11 մարդ, Ռուսաստանում՝ 8 մարդ։ Եվ այս երեք պետություններն էլ մահվան ամենաբարձր տեմպերը գրանցող երկրների տասնյակում են։
Հայաստանում այս պահին մոլեգնում է վարակի չորրորդ ալիքը։ Միայն հոկտեմբերին քովիդից մահացել է 763 մարդ՝ չհաշված այն հիվանդներին, որոնք ունեցել են կորոնավիրուսային վարակ, սակայն մահացել են այլ հիվանդության պատճառով։
Նախորդ տարվա այս շրջանում մեկ օրում մահվան ամենաշատ դեպքերը եղել են 41, այսօր գրանցվել է գրեթե 1,5 անգամ ավելի։
Վարակման նման տեմպերն այլ երկրներում կանխել են պատվաստումներով, իսկ Հայաստանում պատվաստումների ցուցանիշն ամենացածրն է ամբողջ Եվրոպայում։
«Այս պահին աշխարհի բնակչության մոտ 38 տոկոսը լիարժեք պատվաստված է։ Շատ երկրներում պատվաստվել է բնակչության 70 և ավելի տոկոսը։ Մեր երկրում, սակայն, փաստացի լիարժեք պատվաստվածների թիվը կազմում է մոտ 7 տոկոս, իսկ առնվազն 1 դեղաչափ ստացել է բնակչության 16 տոկոսը, ինչը շատ հեռու է ցանկալի ծածկույթից»,- խորհրդարանում այսօր բացատրում էր ԱԺ պատգամավոր, առողջապահության նախկին նախարար Արսեն Թորոսյանը։
Երեկ, սակայն, հրապարակվեց ու բուռն քննարկումների և քննադատության արժանացավ լուսանկարը, որտեղ երևում էր, թե ինչպես են իշխանության ներկայացուցիչները բազմամարդ միջոցառման մասնակցում առանց դիմակի։ Դիմակ չկրողների թվում են նաև առողջապահության նախարար Անահիտ Ավանեսյանը, ԿԳՄՍ նախարար Վահրամ Դումանյանը և այլք։
Եվ հենց երեկ հրապարակվեցին ԿԳՄՍ և Առողջապահության նախարարությունների որոշումները՝ կրթությունն անցնում է հեռավարության։
Այս պահի դրությամբ՝ հիմնարկներում աշխատանքը հեռավար կազմակերպելու մասին դեռևս չի հայտարարվել։ Սակայն հավանական է, որ վարակվածների թվի աճի պարագայում օրակարգ գա նաև լոքդաունի տարբերակը։
Մանրամասները՝ տեսանյութում։
Գարիկ Հարությունյան
