01.07.2026 | 22:57
ԱԺ պատգամավորի երդման տեքստը կփոփոխվի․ օրենքի նախագիծը դրական եզրակացություն է ստացել
Օձեր են նկատվել Արմավիրի ու Տավուշի տներում, Կապանի՝ դպրոցի մուտքի մոտ. ԱԻՆ-ը՝ օձերի հայտնաբերման դեպքերի մասին
14.06.2017 | 18:38
ԱԻՆ-ում այսօր օձերի հայտնաբերման 3 ահազանգ է ստացվել: Այսպես.
Հունիսի 14-ին, ժամը 13:51-ին տեղեկություն է ստացվել, որ Սյունիքի մարզի Կապան քաղաքի Բարաբաթում թաղամասի դպրոցի մուտքի մոտ օձ է նկատվել. անհրաժեշտ է փրկարարների օգնությունը։
Դեպքի վայր է մեկնել մեկ մարտական հաշվարկ:
Փրկարարները հայտնաբերել են իժ տեսակի օձ և տեղափոխել անվտագ տարածք:
***
Հունիսի 14-ին, ժամը 09:53-ին ահազանգ է ստացվել, որ Արմավիրի մարզի Փարաքար գյուղի Շառլ Ազնավուրի փողոցի տներից մեկի բակում նկատվել է օձ. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Փրկարարները հայտնաբերել են լորտու տեսակի սողուն և տեղափոխել անվտանգ տարածք:
***
Հունիսի 14-ին, ժամը 11:43-ին տեղեկություն է ստացվել, որ Տավուշի մարզի Բերդ քաղաքի Թեհլերյան փողոցի տներից մեկի բակում օձ է նկատվել. անհրաժեշտ է փրկարարների օգնությունը:
Դեպքի վայր է մեկնել հրշեջ-փրկարարական ջոկատի օպերատիվ խումբը:
Փրկարարները բռնել և անվտանգ տարածք են տեղափոխել Կովկասյան իժ տեսակի 3 օձ:
