27.06.2026 | 12:48
Գտնում եմ, որ ողջ ՀՀ-ում պետք է վերաքվեարկություն նշանակվի, անվավեր ճանաչվի այս ընտրությունը․ Օրբելյան․ ՏԵՍԱՆՅՈՒԹ
Դպրոցներում արձակուրդը կերկարաձգվի մեկ շաբաթով․ ԱՆ-ն բուհերին առաջարկել է անցնել հեռավար ուսուցման
Հասարակություն
25.10.2021 | 13:44
Դպրոցներում արձակուրդը կերկարաձգվի մեկ շաբաթով․ Factor.am-ին հայտնեցին Առողջապահության նախարարությունից։
Նախարարության խոսնակ Հռիփսիմե Խաչատրյանը մեզ տեղեկացրեց, որ նաև կան դպրոցներ, որոնցում մինչ արձակուրդը լոքդաուն էր մտցվել։ «Կրթական այն հաստատաությունները կամ դպրոցները, որտեղ կորոնավիրուսային հիվանդացությունն անցնում է իրենց աշխատակիցների և աշակերտների թվի 10 տոկոսը, անցել էին տեղային լոքդաունի և հեռավար ուսուցման»,- մանրամասնեց խոսնակը։
Առողջապահության նախարարության մամուլի խոսնակ Հռիփսիմե Խաչատրյանը տեղեկացրեց նաև, որ նախարարության կողմից առաջարկ է արվել ԿԳՄՍ նախարարությանը, որպեսզի բուհերը ևս անցնեն հեռավար ուսուցման տարբերակի։
Նշենք, որ ՀՀ-ում վերջին տվյալներով կորոնավիրուսի 27 284 ակտիվ դեպք կա, իսկ մահճակալային ֆոնդը սպառման եզրին է։
Արփի Հակոբյան
