06.10.2026 | 19:28
Կրեմլը Լիտվայում միջուկային զենք տեղակայելու ծրագրերն «էսկալացիայի քայլ» է անվանել
Ես Լավրովից նման բան չեմ լսել. Վահրամ Դումանյանը` ռուսական դպրոցներ բացելու մասին. ՏԵՍԱՆՅՈՒԹ
Հասարակություն
21.10.2021 | 13:03
ՌԴ արտգործնախարար Լավորվը հայտարարել է, որ ՀՀ իշխանությունները հետաքրքրված են Հայաստանում ռուսական դպրոցների բացմամբ: Կառավարության նիստից հետո լրագրողների հետ զրույցում ԿԳՄՍ նախարար Վահան Դումանյանն անդրադառնալով այս դիտարկմանը՝ նշեց. «Անկեղծ ասած ես՝ ինքս, նման ձևակերպմամբ լուր չեմ հայտնաբերել։ Որևիցե տեղ ես չեմ արձանագրել, որ ՀՀ ղեկավարությունը, կառավարության ղեկավար կազմից որևէ պաշտոնյա ասել է կամ Ռուսաստանի Դաշնության բարձրաստիճան պաշտոնյա՝ ձեր նշած արտգործնախարարը, մասնավորապես, ասել է, որ Հայաստանի Հանրապետության կառավարությունը պատրաստվում է ռուսական նոր դպրոցներ բացել։ Ես նման լուր չեմ կարդացել որևիցե տեղ, եթե հղումն ունեք, կխնդրեմ ինձ տալ։
Մի քիչ այլ կերպ է եղել, որոշ ծրագրերի վերաբերյալ հետաքրքրություն դրսևորել և այլն հավանաբար եղել է։ Նախարարությունը, մենք պարոն Լավրովի հետ որևիցե շփում չենք ունեցել։ Իրոք, ցանկացած ծրագիր արժանի է ուշադրության՝ հասկանալու համար ինչի մասին է խոսքը։ Եկեք ծանոթանանք, հասկանանք»։
ԿԳՄՍ նախարարն ընդգծեց, որ այս պահին նման հարց օրակարգում չկա. «Վստահ եղեք, այս պահին նման հարց չունենք օրակարգում։ Բայց ես ուզում եմ այդ թեմայի շուրջ զրուցենք իրար հետ, ինչո՞ւ ենք մենք հենց առանձնացնում ռուսաց լեզուն։ Այո՛, մենք հետաքրքրված ենք օտար լեզուներով, մենք կարծում ենք՝ ինչքան շատ օտար լեզուներ իմանանք, այդ թվում՝ մեր ռազմավարական գործընկեր Ռուսաստանի ռուսաց լեզվի հետ կապված պոպուլյարիզացիայի խնդիր, այո, դա կարևորում ենք։ Եվ որքան շատ լեզու իմանանք, այնքան մենք ավելի ճկուն ու ինֆորմացված կլինենք, ավելի ազատ կլինենք։ Մենք 21-րդ դարում շփումների կարիք ունենք, և լեզու իմանալը մեզ ավելի շատ հնարավորություններ է տալու, հատկապես մեր ռազմավարական գործընկեր Ռուսաստանի հետ»։
Մանրամասները՝ տեսանյութում:
