16.09.2026 | 11:42
«Ուժեղ Հայաստանը» Տիգրանաշենում զբոսաշրջային կենտրոն կստեղծի․ Անուշ Միրզոյան․ ՏԵՍԱՆՅՈՒԹ
Դումանյանը` Քյարամյանի` ուսուցիչների համար բացասական հետևանքներ ստեղծելու առաջարկի մասին. ՏԵՍԱՆՅՈՒԹ
Հասարակություն
21.10.2021 | 12:21
Արդյոք չարժե՞ ցածր արդյունքներ գրանցած ուսուցիչների համար բացասական հետևանքներ առաջացնել: Կառավարության նիստում ԿԳՄՍ նախարար Վահրամ Դումանյանին և վարչապետ Նիկոլ Փաշինյանին այս հարցն ուղղեց Քննչական կոմիտեի նախագահ Արգիշտի Քյարամյանը:
Լրագրողների հետ զրույցում անդրադառնալով հարցին, թե արդյո՞ք դա չի նպաստի, որ կաշկանդվածություն առաջանա ատեստավորման գործընթացին մասնակցելու՝ ԿԳՄՍ նախարարը նշեց. «Թող մեր սիրելի ուսուցիչները անհոգ լինեն, իրենք որևէ խնդիր չունեն: Իհարկե նման հարց այսօր գոյություն չունի: Թող բոլոր ուսուցիչները վստահաբար մասնակցեն ատեստավորման գործընթացին:
Այլ հարց է, որ, ինչպես վարչապետն այսօր Կառավարության նիստում նշեց, եթե ուսուցիչը բազմաթիվ անգամ մասնակցի և նորից չստացվի, հարց կառաջանա՝ ինչո՞ւ: Ի վերջո, այն ուսուցիչները, ովքեր շատ ցածր ցուցանիշ կգրանցեն, օրինակ՝ 100-ից 10, մտածելու բան ունեն, դա ինքնաթեստ է, կարող է ուսուցիչը ոգևորվի, մյուս անգամ գա 100 հավաքի:
Ո՛չ, բացասական հետևանք առաջացնելու տրամադրվածություն այսօր գոյություն չունի, ընդհակառակը՝ մենք խրախուսելու և մակարդակը բարձրացնելու ցանկություն ունենք և դա ենք ակնկալում մեր սիրելի ուսուցիչներից»:
Նախարարը հավելեց, որ ամեն ինչ պետք է արվի, որ ուսուցիչները հայտնվեն կոմֆորտ զոնայում:
Մանրամասները՝ տեսանյութում:
