26.08.2026 | 23:30
Երևանում ապամոնտաժվել են ևս երկու ապօրինի կառույցներ. քաղաքապետարան
Սյունիքի մարզի Փելա սար կոչվող տարածքում դիրքային փոփոխություն տեղի չի ունեցել. ՀՀ ԱԱԾ
Հասարակություն
18.10.2021 | 16:51
Ի պատասխան որոշ լրատվամիջոցների կողմից շրջանառվող այն տեղեկությունների, թե իբր Կապանի Փելա սարը հանձնվել է Ադրբեջանին՝ ՀՀ ազգային անվտանգության ծառայությունը տեղեկացում է, որ Սյունիքի մարզի Փելա սար կոչվող տարածքում դիրքային փոփոխություն տեղի չի ունեցել, և ՀՀ սահմանապահ զորքերը շարունակում են իրականացնել պետական սահմանի պահպանությունը նշված հատվածում։
Այս մասին տեղեկություն է տարածել ՀՀ ԱԱԾ-ն:
Հիշեցնենք, որ Factor.am-ի հետ զրույցում Կապանի համայնքապետ Գևորգ Փարսյանը նշել էր, որ Սյունիքի մարզի Կապան քաղաքի Փելա սարի «Լկատր» կոչվող բարձունքն ամբողջովին անցել է Ադրբեջանի վերահսկողության տակ, իսկ Սյունիքի մարզպետ Մելիքսեթ Պողոսյանն ասել էր՝ «Նման բան չկա, սուտ բաներ են»:
