05.06.2026 | 02:00
ՌԴ-ից մարդկանց ստիպելով բերում են իրենց օգտին քվեարկելու․ Փաշինյանը՝ «Ուժեղ Հայաստանի» մասին․ ՏԵՍՆՅՈՒԹ
Մահճակալային ֆոնդը սպառված է․ մոտենում ենք «վառվող կարմիր գոտու» շեմին․ Ռոմելա Աբովյան. ՏԵՍԱՆՅՈՒԹ
13.10.2021 | 11:24
Հայաստանում, կորոնավիրուսով պայմանավորված, իրավիճակը բավականին լարված է: Այս մասին այսօր հրավիրվածմամուլի ասուլիսի ժամանակ հայտարարեց ԱՆ Հիվանդությունների վերահսկման և կանխարգելման ազգային կենտրոնի վարակիչ և ոչ վարակիչ հիվանդությունների համաճարակաբանության վարչության պետ Ռոմելլա Աբովյանը։
«Ունենք շուրջ 50 տոկոս դեպքերի աճ, վարակի վերարտադրողականության ցուցանիշը մեկից բարձր է, ինչը խոսում է այն մասին, որ վարակը շատ արագ տեմպերով տարածվում է»,- նշեց Աբովյանը։
Նրա խոսքով՝ ցավոք, ունենք մանկապատանեկան տարիքային բոլոր խմբերում 1,5-ից մինչև 1,7 անգամ դեպքերի աճ։ Բացի դրանից, Հայաստանն արդեն մոտենում է վառվող կարմիր գոտուն։
«Հիվանդացության ցուցանիշը 475 է, եթե հասնենք 500-ի, ապա Հայաստանը կհայտնվի վառվող կարմիր գոտում»,- ասաց նա։
Մասնագետի խոսքով՝ կորոնավիրուսը երիտասարդացել է ու, հիմնականում, ավելի շատ թիրախավորված են 30-ից 50 տարեկան ազգաբնակչությունը, կան նաև դեպքեր երեխաների շրջանում, ովքեր ունեն հոսպիտալացման կարիք ու այս պահին բուժում են ստանում։
«Հիվանդանոցներն աշխատում են գերծանրաբեռնված, մահճակալային ֆոնդը սպառված է, ու դեպքերը բավականին ծանր են, բակավանին մտահոգիչ իրավիճակ է»,- նշեց Ռոմելլա Աբովյանը։
Մանրամասները՝ տեսանյութում:
